مشاهدة النسخة كاملة : بكره بس تتزوج بتعود بتتحجب
Aghalation
21-12-2005, 13:41
موضوع يجول في خاطري وأرجو من الجميع المشاركة فيه...
الموضوع يتعلق بلبس البنات في هذه الأيام...وكلنا على دراية وإبصار لما نشاهده من أنواع غريبة وأشكال عجيبة للبس البنات في هذه الأيام...
ومع مختلف التسميات...من ... Cut - Brettelles وحتى البنطال العجيب Pantacourt...أو بنطال (شطافة الدرج) كما يحلوا للبعض تسميته..
ولكن أسئلتي هي كالتالي...
لمَ ترتدي فتياتنا هذه الأنواع من اللباس؟؟
هل هي مريحة إلى درجة كبيرة؟؟
هل من المريح لها أن تلبس الفيزون أو بنطال الجينز الضيق وهو ملتصق بجسدها ومن المؤكد أنه يضغط على جسدها بحيث يصعب عليها التنفس أو الجلوس باسترخاء؟؟
هل هي قمة الراحة والبهجة؟؟؟ عندما ترتدي تنورة أو فستان قصيروتمضي أمسيتها وهي تشد التنورة للأسفل محاولة أن لا تعلُ أكثر مما هي عليه "حياء وخجلا" من أن ينكشف أكثر وأكثر من الظاهر من جسدها؟؟
ألا تشعر الفتاة بالخجل أو الحرج (على أقل تقدير) عندما تعرف أن تفاصيل جسدها ظاهرة وواضحة للعيان؟؟
ألا تعرف الفتاة بأن كل من يراها الآن، ينظر إليها إما بنظرة شهوانية (لأنه يشتهيها وهي تعرض بضاعتها أمامه) .... أو بنظرة استحقار (لأنه يحترم نفسه)؟؟
ماذا تركت هذه الفتاة من فروقات بين ما ترتديه في الشارع، وما ترتديه أثناء النوم؟؟
ماذا تركت هذه الفتاة من خصوصية جسدية بينها وبين زوجها؟؟ إذا كان كل الناس يعرفون ((مثلا)) موضع الشامة في أسفل ظهرها أو لون وحجم وشكل حمالة الصدر(Soutien-gorge) التي ترتديها؟؟
ألا يقترب ما ترتديه هذه الفتاة مما ترتديه الراقصات في الملاهي الليلية؟؟
فالراقصة مكشوف بطنها، حجم صدرها، وتفاصيل ما تحت الخصر...وكذلك من يلبس هذه الأصناف..
طبعا بالإضافة إلى ما يستشري مؤخرا من ظهور تفاصيل الألبسة الداخلية لبعض الفتيات في هذه الأيام..
فهنا السؤال أين الفرق في هندام هذه الفتاة وهندام الراقصة؟
على من تقع المسئولية في هذا التغيير؟؟
أهي على من يصنّع هذه الألبسة (التاجر)؟؟
أم على من يشتريها (الفتاة)؟؟
أم على من يُصِرّ أن تلبس هذه الفتاة هذه الأنواع من الألبسة (والدتها)؟؟
((بحجة بكره بس تتزوج بتعود تتحجب))
أم على من يسمح لها أن تلبس هذه الألبسة (والدها أولا وزوجها من بعده)؟؟
ألم تفكر هذه الفتاة أن هناك من يكتفي بمشاهدتها ثم يشيح بنظره...وأن هناك من يطلب المزيد وسيسعى لتحصيل هذا المزيد؟؟
قال النبي صلى الله عليه وسلم: ((إن لكل دين خلقاً وخلق الإسلام الحياء)).
وفي حديث آخر ((الحياء من شُعب الإيمان))..
ملاحظة:
طرحت هذا الموضوع للنقاش وإبداء الرأي، أرجو من الجميع عدم التطرق في هذا الموضوع إلى فئة من تلبس لباسا شرعيا كاملا وتفعل في الخفاء الآثام والمعاصي وما لا تفعله ممن ترتدي اللباس الغير شرعي لأن هذا ليس من صلب هذا الموضوع...
مشكور يا اخي على هالموضوع
بس متل ما بتعرف انو الناس بدها تتقلد بلاجانب بالظاهر و بس
يعني نحنا الشباب و البنات بدهون يقلدو الاجانب بس بالمظاهر الخارجية و اللبس و تصريحة الشعر
و بعدين عم تشوف تناقض رهيب ( الام متحجبة و البنت سبور ) شو يعنا هاد و شو المبرر
على كل الاحوال ننصح الجميع بأكل لحم الجمل
و الله يهدي الجميع للطريق القويم................
[align=justify:e44a5cc5b4]طيب يا آغا ... رجاء تلاحظ انو بدي احكي عن هالموضوع من وجهة نظر البنات حصرا ...
الأنثى بطبيعتها بتحب تكون ملفتة للأنظار ومميزة ولفت النظر هون مو بس للشباب لأنو اذا بدك تشوف العجب العجاب فعليك بعراس النسوان ...بتلاقي كل وحدة متقمصة شخصية هي بالأساس ملفتة ...شي هيفا وهبة وشي نانسي عجرم وشي فيفي عبدو والله لا يورجيك ...طبعا رح تقلي انها طالما بعرس نسوان معناها فيها تعمل يلي بدها ياه، بس انا قصدي وصلك فكرة انو البنت مو بس بتلبس منشان الشباب يلاقوها حلوة ويتفرجوا عليها ...
هلأ نوعية هي التياب وطبيعتها عم يحددها السائد أكتر من انو يكون ذوق البنت نفسه أو طريقة تفكيرها ...والسائد هلأ طبعا هو الموضة الغربية يلي التياب عم تكون فيها "ما خف وزنه وغلا ثمنه" وبالتالي ...عم يتجه الذوق النسائي الى هيك نوع على أساس انو البنت مودرن وبتلبس عالموضة ...
أنا ما بنفى أكيد وجود تياب مودرن وبنفس الوقت محتشمة بس البنت بهيك حالة ما عم تنال الاعجاب يلي هي عم تدور عليه كاملا ...
رح ترجع وتقلي انو شو هالتفاهة تبع البنت انو بدها تحقق تقدير ذاتها من خلال نظرات العالم يلي عم تقيس تفاصيل جسمها ...وأنا رح ارجع قلك انو البنت للأسف بتفكر انو الشباب عم يطلعوا فيها لأنها "حلوة" وبس ...يعني ما بيخطرلها انو في شي 600 فكرة عم تدور ببالن بهي اللحظة ومن ضمنها أفكار مشفرة "اذا مو كلها" ...
بالغرب يلي نحنا دائما منسبو ما بتلاقي وحدة رايحة عالجامعة أو على شغلها كأنها رايحة على أحلى سهرة ...والسبب ببساطة انها ما بتعتبر انو هي الوسيلة الوحيدة لتورجي حالها أو لتتعرف فيها على الجنس الآخر ... الحق معك ...تفاهة ... بس خلينا نتذكر انو "يداك أوكتا وفوك نفخ" ... وانو تفاهة البنات جزء من تفاهة أكبر يلي هي تفاهة المجتمع واهتماماته ...
مرسي ...بس خلاص ...[/align:e44a5cc5b4]
Engelbert
21-12-2005, 15:41
مرحبا للجميع .....
شكرا كتير أغا على الموضوع الجميل و بتصور انو النقاش فيه جميل و متفرع .....
انا بدي احكي متل بيغ بيبي من وجهة نظر الصبية يلي عم تلبس هذا اللباس ......
مثل ما قالت انو كل بنت بتحب تكون هي الحلوة في كل الاماكن و في كل الجلسات التي تجلس فيها ..... يعني اذا كانت ب عرس نسوان لازم الصبية تكون بلبس قصير كتير و مفتوح كتير :roll: يعني منشان تكون هي الملفتة للنظر ...... و كمان نفس السلوك بكون ب أعياد ميلاد الصبايا و الحفلات المنزلية .......
بالنسبة أمام الشباب كمان معظم البنات بيفكرو انو اذا لبست لبس قصير اكتر او مفتوح اكتر معناها كل الشباب رح يلتفو حوليها ....... طبعا مع بعض الحركات البناتية :oops: و يعني بدها من كل جلسة يكون زاد عدد معجبينها و عدد الخطابين ... ;)
برأي أنو البنات الشرقيين يريدون تقليد حرية المجتمع الغربي بلباسه و تصرفاتة ......
انو يعني هنن سبور و منفتحين و موضين كتير .......
بس بدك تحط ب عين الاعتبار شغلة انو ب الأغاني الفيديو كليب كتير عم تخلي البنت تفكر بهل لبس .... انو البنت يلي لبسها محتشم مو خرج تكون موديرن ........ و البنت يلي كتير سبور بتكون كويسة و منيحة و بتصير البطلة ....... يعني هذه الفكرة شوية خارجية ........
بس الانفتاح يلي عايشين فيه هو سبب مهم ....... بس كمان اللبس و الاحتشام و الأدب بيرجع للبنت و البيئة التي تعيش فيها .......
شكرا كتير .........
سلام ........
Engelbert
Ayman syr
21-12-2005, 23:55
هذا الكلام بس هيك على هامش الموضوع :
أولا تمنيت أن لا تذكر نص حديث أو آية في مقالك الجميل يا آغا . وطرح الموضوع من وجهة نظر اجتماعية و عامة بحتة للأسباب التالية :
اولا :حتى ما ينقسم المتحاورين لفريقين (جماعة ابو لهب ..و جماعة الشيخ بن لادن)
ثانيا : الأشخاص المتحاورين من خلفيات دينية و عرقية و طائفية مختلفة و بالتالي رفض فكرة التعري ..من منطلق أخلاقي ..و بالتالي عدم حصر موضوع الاخلاق بالدين ..و ما يصير متل ما صار ببقية النقاشات
المهم ..منشان ما اطلع عن الموضوع :
خليني قول ..انو انا ما بعرف كيف تفكر النساء حتى تلبس هذا اللباس . ..ولكن
كوني من أصحاب نظرية المؤامرة فرح اربط الموضوع بنظرية مؤامرة الغرب على الشرق ..لأن تعرية النساء موضوع ليس مرتبط فقط بتعرية الأجساد بقدر ما هو مرتبط بتعرية النفوس ..و بما أن هؤلاء النساء أمهات المستقبل فسيربون أجيال عارية عن الصحة .
أول شي شكرا يا آغا على هالموضوع المهم كتير خصوصا بهالوقت ......
بس أنا بدي أعلق على شغلة و هي ...
فهنا السؤال أين الفرق في هندام هذه الفتاة وهندام الراقصة؟
على من تقع المسئولية في هذا التغيير؟؟
أهي على من يصنّع هذه الألبسة (التاجر)؟؟
أم على من يشتريها (الفتاة)؟؟
أم على من يُصِرّ أن تلبس هذه الفتاة هذه الأنواع من الألبسة (والدتها)؟؟
((بحجة بكره بس تتزوج بتعود تتحجب))
أم على من يسمح لها أن تلبس هذه الألبسة (والدها أولا وزوجها من بعده)؟؟
أنا برأيي أنو المسؤولية الأولى و الأخيرة بترجع للأهل ، لأنو مهما كانوا عم يعطوا لبنتون الحرية الكاملة ، بس هالشي كمان ما بيمنع أنو ينتبهوا على تصرفاتا ، يعني اذا كانت عندا روحة مع رفقاتا على مكان عام مثلا ، فهو مو غلط أنو يعطوها بعض الملاحظات و النصائح اذا كان في شغلات عم يشوفوها غلط... لأنو البنت بشكل عام اذا ما حدا نصحا فهي أكيد رح تتدهور ....
و هاد مو حكي أبدا أنو بس تتزوج بتتعود تتحجب لأنو رح تكون تعودت على اللبس غير المحتشم و بالتالي رح يصير كتير صعب عليها تغير نمط لبسها حسب طلب زوجا (الا اذا كان زوجا كمان متحرر :mrgreen: )
و شكرا مرة تانية على الموضوع....
اولا يسلمو كتير على الموضوع الهام ..
فعلا هي الظاهرة منتشرة جدا بين البنات ويمكن اغلبية البنات عم يلبسوا هيك من باب لفت انظار الشباب وانو هنن مع الموضة واسباب تانية.., والمسؤولية تقع على الجميع وبالاخص الاهل الذين يرون ابنتهم تخرج بهذا اللباس غير المحتشم بل على العكس يشجعونها ويرضون بذلك ونفس الحكي للزوج الذي يرضى ان تخرج زوجته بتلك الهيئة دون ان تنهز له شعر واحدة وهو يرى الرجال الاخرين كيف ينظرون الى زوجته وهي مرتدية ذلك اللباس الغير محتشم والفتاة نفسها هي اكثر وحدة تتحمل المسؤولية لانها تدرك جيدا انها لباسها يرسم كل معالم جسمها امام الكل سواء رجال ام نساء ولكنها عوضا من ان تشعر بالخجل تشعر بالسعادة للاسف .
تحياتي ..
مساء الخير يا قوم شكرا اغا على هل الموضوع الحلو والمهم
أما بعد
أنا أقول من وجهة نظر شخصيه أن القصة هي ليست تقليد أو هي محاولة لفت نظر أو أثبات ذات لا ابدا ليس هذا الموضوع أبدا
الموضوع هو انه عندما تتغير المفاهيم والقيم في أي مجتمع مهما كان هذا المجتمع فهناك شي أما أن يتجه المجتمع نحو التقدم الفكري أو العكس فانا أرى أن المجتمع يتجه نحو العكس؟
بمعنى أوضح لو عدنا إلى الوراء فقد كان سائد في المجتمع أن الفتاة المحتشمة بلبس هي الفتاة المثقفة والجميلة والمتفهمة للحياة فعندما كانت الدكتورة والمهندسة والمحامية تخرج إلى الشارع وهي محتشمة كانت هي المثل لأعلى أما اليوم فان نانسي عجرم وهيفاء وهبي هم القدوة مع لأسف الشديد بالمجتمع
وشي أخر أن نظرت المجتمع متغيرة بنسبه مخيفه وهناك لوم على الشباب أيضا لأنهم اليوم يعتبرون الفتاة التي تخرج بهذا السفور متحررة ويتشوقون إليها أما البنت المتحجبه فانه على قولت المثل ( درويشه وغشيمة )
يا جماعه لكل مجتمع شي اسمه القدوة ونحن اليوم نفقد القدوة التي تناسب مجتمعنا ؟
ولذلك نستورد القدوة من مجتمع غيرنا فنأخذ مثلنا الغرب مع العلم انه لكل مجتمع عادات وتقاليد وضوابط ومع تغير المفاهيم والقيم أصبح هناك خلل بين الماضي من التقاليد والعادات والحاضر المليء ب اخطاء التي لا تناسب مجتمعنا وعادتنا وهناك شي أخر وهو التلفاز الغرب استعمل التلفاز حتى يستفيد منه أما نحن فلم نستطيع ذلك لأنه لا يوجد عندنا شي علمي ممكن أن نستفيد منه وهذا مثلا على ما اقصد
لانترنت مثلا الغرب يستعمل لانترنت حتى يتعلم ويتثقف ويحاور أما نحن ؟
فاغلب استعمالنا له هو على شي فاضي ندخل لانترنت ومن غير مجامله للتسلية وقضاء وقت الفراغ لأنه عندنا وقت فراغ أما الغرب لا يوجد عنده شي اسمه وقت فراغ لأنه مشغول في إبداعه
أما انه تخرج لام محتشمة وبالقرب منها بنتها على أخر طرز فانا أقول انه لعدم وجود تناسب فكري بين لام والبنت يحصل هذا فل لام لا تعرف أن تقراء ولا تكتب ( أميه ) وتنظر لام إلى ما حولها باستغراب ولم يعد عند لام القدرة على فهم ما يجري حولها من متغيرات وأحداث فأنها تعيش في جو غير جو المجتمع الذي تعيش فيه البنت ولا يبقى أمام الأم سوى خيران أما أن تسيطر على البنت وهذا مستحيل لأنه من غير الممكن أن يسيطر ( الأمي الذي لا يعرف أن يقراء أو يكتب ) والخيار الثاني هو أن تسيطر البنت على الأم وهذا هو المنطق أن يسيطر من هو متعلم ؟
وهناك شي أخر نفقده عندما تفقد الأم التعليم فهي لا تعرف أن تعلم بنتها الدين والقيم لان فاقد الشيء لا يعطيه
يمكن أن تنقل لابنتها تجربتها لان تجربة لام هي تجربه تعتمد على التقليد والتقليد لأعمى في كل شيء فتتعلم البنت التقليد وهكذا يتعلم جيلنا التقليد في كل شي .
رحم الله الشاعر عندما قال
الأم مدرسه أن أعددتها أعددت شعب طيب لأعراف
أرجو أن تكون قد وصلت الفكرة فليس البنت وحدها من يتحمل المسؤليه بل نحن جميعا نتحمل المسؤليه من شباب وبنات وان سألني احد أين الحل فأقول
يجب علينا تعليم النساء ويجب على كل شاب وفتاة أن لا يتزوج البنت الغير متعلمة حتى يتعلم الجيل أن البنت الغير متعلم لن تتزوج أبدا فعندها يتعلم الجميع وهذا يحتاج إلى وقت ولابد ألا أن نرى بعض لأشياء الغلط لكن ليس بيدنا سوى أن نتحمل أعباء السنين التي عاشت فيها البنت بدون تعليم ؟
وشكرا على حسن استماعكم خيووووووووووووووووووووووووووووووووووووو
مرحبا...
أنا لا أريد النقاش في صحة أو خطأ الموضوع مبدئيا لأنه يحمل أبعادا دينية حتى لا يتهمني البعض بأني أبو لهب
ولكن لدي سؤال لكل من أجاب خطر على بالي ولا زلت أفكر في جوابه، أرجو أن تشاركوني به...
ما هي برأيكم الآثار الإجتماعية (وليس الدينية) السيئة لخلع الحجاب أو ارتداء الفتاة تنورة قصيرة أحياناً...؟؟؟
Ayman syr
22-12-2005, 02:38
عزيزي لوسيفير :
أظن أن الأخ آغاليشن ..ما قصد بالحجاب المعنى الذي تخيلته أنت ..لكنه قصد اللباس المحتشم ..و ليس حتى تكون المرأة ذات لباس محتشم شرط أن تكون محجبة ..و ليس من الضروري أنه إن كانت تضع على رأسها حجابا أن لباسها محتشم (ممكن تكون على مبدأ راضية الله و عبادو).
و بالتالي القصد من الحدث هو عدم لبس ما هو خلاعي ..و أظن هذا ما يتفق عليه الجميع ..
إذا انتهينا من موضوع الحجاب و خرجنا عن موضوع الدين ..هذا أولا
إذا كان قصدك الآن هو هل للباس الخلاعي آثار اجتماعية
لا اعلم إذا كنت ممن يؤمنون بأن لكل مجتمع خصوصيته ..هذه الخصوصية تنبع و تتعلق بحضارة هذا المجتمع ..و العفة هي سمة من سمات مجتمعاتنا و انتهاك هذه الخصوصية معناها تجريد المجتمع من قيمه وزرع قيم تتماشى مع الغرب
لكن ما الضير في ذلك ؟ لا ضير ..إلا أن الغرب يا صديقي يفعل ذلك ليس بحسن نية (قلتلك أنا مؤمن بنظرية المؤامرة)..و إنما يفعل ذلك إيمانا منه بأن تعرية أجساد نسائنا ..و قبول الرجال بذلك هو تهيئة لتعرية النفوس ..و بالتالي خلق أجيال عارية من كل شيء ...
الشيء بالشيء يذكر أحب أن اذكرك بقصيدة جميلة للشاعر خليل مطران هي (مقتل بزرجمهر ):
كانت العادة عند الفرس أن تستر النساء وجوهها (ما كان هناك بعد إسلام ولا غير إسلام ..كانو مجوسا)
يقول الشاعر:
بادٍ مُحياها فأين قناعها ...... وعلا م شاءت أن يزول فزالا
لا عار عندهمُ كخلع نسائهم .... أستارهن ولو فعلن ثكالى
لكن الفتاة كنوع من الاحتجاج على ما فعله كسرى بأبيها و سكوت الناس على الظلم قامت بخلع سترها فعلق الشاعر أخيرا :
كانت الحسناء ترفع سترها .... لو أن في هذي الجموع رجالا
فيعني يا عزيزي ..المعنى واضح ..
الآن يمكن أن تقول لي ...الخلاعة الغرب لم يؤثر عليه ذلك ؟
لأن معتقداتهم غير معتقداتنا ..و سآتي لك بمثال عندنا في سوريا و الدول العربية بشكل عام .من أي طائفة و ملة و ديانه ..ما أحد يقبل بأن تقيم أخته او ابنته علاقة غير شرعية مع أحد على مرأى و مسمع منه ..و يعتبر ذلك انتهاك للشرف ...بينما في الغرب الموضوع عادي ..
نفس الشيء موضوع الخلاعة عندنا و عندهم ..إذا قارناه..و الله أعلم
صار الوقت متأخر ..بكرة بيصير فيني متل اليوم و ما بفيق على الشغل ..سلام حيبب
Terminator
22-12-2005, 08:45
موضوع شيق فعلاً ... وإذا سمحتوا لي أن أبدي برأيي كشاب احترف الصياعة سابقاً ... أقول بأن تلك الشابة الكاسية العارية لم تحقق المكسب المطلوب في اقتناص زوج مناسب عن طريق ملابسها المثيرة ... وأذكر كثيراً أن شاباً ما كان يلهث خلف إحدى ذوات بنطلون الشطف إياه وبلوزة فوق السرة التي كنا نسميها آنذاك ( بابا سامحني ) ويصرف عليها دم قلبه من بنزين ولف بالسيارة حول منطقتها .... وعندما كنا نطلب منه أن يقوم بالخطوة التالية كأن يرسل أهله لطلبها فيصرخ قائلاً : ماذا .. وهل تتصورونني جننت لأجعل من أم الشطف أما لأولادي .... لا يا خيو نحن عمنتسلى بس ...
أما تلك المسكينة فتكون قد بنت آمالاً عسى أن يتقدم إليها واحد من الجيش الذي يطاردها يومياً أثناء عودتها من الجامعة ولكن السيد غودو لا يأتي أبداً .... وإذا أتى تفاجأ أنه من جماعة ( بليلا بليلا ) الذي لم يشده إليها إلا عريها ...
من ناحية تانية ... أشك في أن الفيديو كليب هو السبب الوحيد في جعل الفتاة تلبس هكذا ملابس ... فالفيديو كليبات الغربية أشد عرياً من " تبعنا " ولكنك لن تجد هذا العري لديهم في العمل أو في الجامعة ...
ومن المفارقات أن أحد أصدقائي كثير الأسفار عجز أن يشتري ملابساً مناسبة لأخته المحتشمة غير المحجبة من لبنان الشقيق سابقاً ، فيما عثر على ضالته بسهولة في فرنسا !!!
وأخيراً أنا أضم صوتي إلى صوت الأخ أيمن فيما يخص نظرية المؤامرة ... بدليل التزايد السرطاني لمحطات الهيك وهيك المجانية أو سهلة الفتح على قمر الطائر الساخن الفضائي ...
والله يحمينا ... ويعين العزابية ويصبرهم على بلواهم ...
مع التحية للجميع ..
scorps22a
31-12-2005, 14:02
وصلتني قصة من رفيقي و حبيت أضيفها لهالموضوع ;)
ذات يوم التقت وردة جميلة رائعة الجمال شذية الرائحة جذابة الألوان بلؤلؤة لا يبدو عليها شيئاًًً من هذه الصفات فهي تعيش في قاع البحار... تعرفا على بعضهما
فقالت الوردة: عائلتنا كبيرة فمنا الورد ومن الأزهار ومن الصنفين أنواع كثيرة لا أستطيع أن أحصيها يتميزون بأشكال كثيرة ولكل منها رائحة مميزة وفجأة علت الوردة مسحة حزن!!
فسألتها اللؤلؤة: ليس فيما تقولين ما يدعوا إلى الحزن فلماذا أنت كذلك؟!
ولكن بني البشر يعاملونا بإستهتار فهم يزرعوننا لا حبا لنا ولكن ليتمتعوا بنا منظرا جميلا ورائحة شذية ثم يلقوا بنا على قارعة الطريق أو في سلة المهملات بعد أن يأخذوا منا أعز ما نملك النظارة والعطر...تنهدت الوردة ثم قالت للؤلؤة : حدثيني عن حياتك وكيف تعيشين؟؟ وما شعورك وأنت مدفونة في قاع البحـــار...
أجابت اللؤلؤة: رغم أني ليس مثل حظك في الألوان الجميلة والروائح العبقة إلا أني غالية في نظر البشر فهم يفعلون المستحيل للحصول علي!
يشدون الرحال ويخوضون البحار ويغوصون في الأعماق ليبحثوا عني قد تندهشين عندما أخبرك أنني كلما ابتعدت عن أعين البشر ازدت جمالا ولمعانا ويرتفع تقديرهم لي...
أعيش في صدفة سميكة وأقبع في ظلمات البحار إلا أنني سعيدة بل سعيدة جدا لأنني بعيدة عن الأيدي العابثة وثمني غالي لدى البشر...
أتعلمون من هي الوردة ومن هي اللؤلؤة ؟؟
:?: :!: :?: :!:
..
..
..
الوردة هي على قولة آغا (المرأة التي ترتدي تنورة أو فستان قصيروتمضي أمسيتها وهي تشد التنورة للأسفل محاولة أن لا تعلُ أكثر مما هي عليه ) :roll:
واللؤلؤة هي (المرأة التي يكون شعارها "الحياء من شعب الإيمان") ;)
سلامزززززززززز
هاد الموضوع حلو كتير بس في شغلة بدي قولا
في فرق كتير بين الحجاب والتعري في اللباس يا جماعة انتو عم تحو اللي ما بتتحجب واللي بتلبس من غير هدوم بالشارع او بالعمل بمكان واحد
يعني متل ما قالت big baby برا البنات ما بتحجبو بس كمان ما بيجنو متل الرقاصات لا تحطو النوعين بحديث واحد ولا تنظرولن نظرة وحدة في فرق كبير ارجوكم
السلام عليكم
أنا يا جماعة ما عندي فكرة عن تركيبة هذا الموقع من الناحية الدينية أو العرقية او الاثنية.
بس لاحظت بأهتمام كبير أنه معظم الردود كانت على أرضية دينية.
سواء من خلال الاستشهاد بأحاديث أو من خلال الطرح أساسا.
الاخ أغا لاحظت أنه عم يطرح الموضوع على أساس أنه هذا الشي سيئ أساسا.
وهذا برأي محور للحوار لحاله.
أنه أذا البنت بتلبس قصير غلط ولا لأ.....لاحظو.....مو مسألة حرام أو لأ.لأنه عم نحكي عن مجتمع.
أنا يا غوالي ........بدي أول شي أحكي كشب....والله أنيي بحب القصير.
يا سيدي أذا بيلبقلها الله يقويها.
وبعتقد أنه أريح.
أنت يا أغا قسمت الشباب اللي بيطلعو بالقصير لقسمين
قسم بيحتقر البنت (هذا اللي بيحترم حاله)
والقسم اللي بيشتهيها.
بالله ما في غير القصير بيخليه يشتهيها.
وأذا البنت نغروشة ودمها خفيف ما بيشتهيها؟
يا سيدي لأ
أذا صوتها حلو؟
شهوانية؟.....يعني بمقالتك مبينة كلمة كتير كبيرة.
يا غالي.
ساءني كتير أنه نحط الحق على أمها أو على زوجها.
شو عم تحكي عن رجل كرسي؟.............هذا بني أدم أله رأي...وبيقرر.
متل ما أنت أو أنا ممكن نقرر ننزل على الشارع بالشورت.
هلق رح تقلي ما في حدا بيشتهي الشب.
يا سيدي أنا جسمي حلو وبيغري وجبلي حدى يمنعني.
حبيبي ..... الاساس أذا بدنا بناتنا ما يعملو هيك ....نورجيهن أنه ما منحبه.
يعني ليش الشب اذا شاف بنت هو بيعملها القهوة.
وأذا البنت أخته ....بتروح بتعمله القهوة..................ومتل التوتو؟
معك سنه لتجاوب.
بناتنا بدهن أهتمام................والمؤسف أنه الشب الشرقي............بطل يطلع على داخل البنت منوب......يعني صار يعنيه بس شكلها...وبالحالتين.
يعني سواء يهتم فيها أذا لابسة منيح أو أذا مو لابسة منوب وبغض النظر عن النوايا.
اللي بده يتزوج بيروح بيدور على المحجبة.
اللي بده شغلات مو منيحة بيروح بيدور على البنت(السبور) وهذا أكبر دليل على تسفل عقلنا الشرقي.
شكرا يا غوالي
أهلين يا غالي صباحك ورد و فل...تسلملي
أنا يا جماعة ما عندي فكرة عن تركيبة هذا الموقع من الناحية الدينية أو العرقية او الاثنية.
عرقي= اثني... الخلفية تبع الموقع بتاخدها من اسم الموقع...
هلق رح تقلي ما في حدا بيشتهي الشب.
يا سيدي أنا جسمي حلو وبيغري وجبلي حدى يمنعني.
ممممممممممممم سمسم؟؟؟ الله يقويك
أنا يا غوالي ........بدي أول شي أحكي كشب....والله أنيي بحب القصير.
يا سيدي أذا بيلبقلها الله يقويها.
حبيبي ..... الاساس أذا بدنا بناتنا ما يعملو هيك ....نورجيهن أنه ما منحبه
بدك و لا ما بدك؟؟؟ ..... طيب بتعرف شو بدك؟؟
يعني ليش الشب اذا شاف بنت هو بيعملها القهوة.
وأذا البنت أخته ....بتروح بتعمله القهوة..................ومتل التوتو؟
بغض النظر على انو المثال ما الو علاقة بالموضوع لا من قريب و لا من بعيد... بس هي جديدة...عنكن بسعريبيا الشب اللي اختو بتعملو قهوة بيعمل للبنت قهوة؟؟؟ طيب رح سايرك مو انت عم تقول البنت بدها اهتمام؟؟؟ حيرتني...روح رحش...ارجع ما ارجعش...
[smilie=to funny.gif] [smilie=to funny.gif] الله عليك [smilie=to funny.gif] [smilie=to funny.gif] الله عليك
معك سنه لتجاوب.
أنه أذا البنت بتلبس قصير غلط ولا لأ.....لاحظو.....مو مسألة حرام أو لأ.لأنه عم نحكي عن مجتمع.
ايواااااااا طيب يا غالي شو برأيك اللي بيقرر الغلط من الصح؟؟ طيب أنا فهمت منك انو ما لازم الدين يحدد الخطأ من الصح لأنو عم نحكي على مجتمع...ممممم يا غالي الصراع الأكبر من أجل حقوق المرأة كان على أساس انو المجتمع وضع قوانين صارمة للمرأة بسبب تفسيره الخاطىء للدين...بتيجي بدك المجتمع يحدد الخطأ من الصح؟؟؟؟؟؟
والله أنيي بحب القصير. وأذا البنت نغروشة ودمها خفيف ما بيشتهيها؟ أذا صوتها حلو؟ والمؤسف أنه الشب الشرقي............بطل يطلع على داخل البنت منوب......يعني صار يعنيه بس شكلها...وبالحالتين.
اسمحلي وهذا أكبر دليل على تسفل عقلنا الشرقي
تسلملي
هلق أنا ما بعرف أذا لاحظت أنك عمليا نسخت كل كلامي(الا ما رحم ربك) ومشكور على أي حال
خليني فنطها وحدة وحدة ....واضح أنه كلامي كان طويل عليك لدرجة أنك جزءته.
بغض النظر عن الاشكال اللذيذة اللي عم ترقص وتطبش
وعن الكلمات غير المفهومة ليش متل (تسلملي) الله يسلمك.
أنت طرحت تساؤلات وتعليقات.
سألت عن الاثنيات لأعرف قديش من الممكن نحكي على أرضية أسلامية بموقع لبلد بيرفع شعار التعددية الدينية وحرية الاديان.
يعني يا خيي بركي أنا يهودي؟
.
تانيا بحب أرجع وضح.....أي أنا بحب القصير..........هلق أذا حبيت حضرتك تحول الموضوع لشخصي وتسألني (حتى على مرتك؟....) رح جاوبك أيه....ما دامت لابسة متل الناس.
متل ما أنا كمان برفض أنها تتحجب وتروح معي على حفلة كوكتيل ....بدها تتحجب مالها داعي حفلة الكوكتيل.
تالتا يا رعاك الله.
لألألألأ
لا بسعريبيا ولا بسوريا .....ولا بتايلاند أبشرك الشب ممكن يعمل لبنت القهوة.....ولا رح يطلع بوشها أذا ما بده منها شي......أو أنا يا أخي عايش ببيئة منحطة وبعاني من فوبيا المجتمعات.
ومو شرط الشي يكون قلة أدب..............بس شي.
أما بقى قصة حرية المرأة............وهو الموضوع لأكتر حبا لقلوب الشباب.
حبيبي.
ما فيني خوض فيه لأنه معيب أنه لما يكون بدنا قال نحرر المرأة(من تفسيرات الدين الخطأ واللي أنفرضت على المجتمع)ومو العكس.
عيب نتصدر نحنا الذكور لنحكي بلسانها.
مو حلوة يعني.
باقي .......باقي
أاااااااه
باقي قصة الشورط
أيه أنا بشوف جسمي حلو بالشورت..........ويا سيدي القرد بعين أمه غزال.
أنت شو مزعلك؟
أنت لا تلبس شورت.
هذا رأيي .
لا تحجر عليه.
وأنت لما تصير مسؤول ..............يا سيدي حط يونيفورم لكل الشعب السوري.
الله يقويك.
أذا كنت أنت خيار شعبي.
بتكون أنتهت المشكلة.
ردا على سؤال السيد همام حول اتجاه الموقع الديني أو الفكري أو العرقي... حتى لا يحصل لبس.
الموقع لا يتبنى أي فكر أو دين أو عرق محدد... كما قال أخي دون... اسم الموقع يعبر عن ذلك... لكن صدف أن الأعضاء الفعالين حالياً هم من خلفية اسلامية فقط لا أكثر... لك الحرية هنا بنقاش أي فكر أو دين طالما أنك تحترم الفكرة والأعضاء . يعني النقد السليم مقبول. وأهلا بك مهما كان دينك أو عرقك أو فكرك.
كون السيد دون رد عليك ... فهو لا يفرض عليك شيء ولا يريد أن يحجز رأيك... تستطيع الرد عليه وانتقاد أي فكرة يتبناها هو أو أي أحد دائماً. طالما أن الرد يحترم كل الآراء... لا تأخذ رده كمحاولة لفرض رأي عليك.. لأنه ليس كذلك...
تحية.
alsalamu 3alaykom gami3an, ana ktir mabsout eno 3am basharek 2l shabab behal muntada w bat2asaf eno ma 3am baktob bel 3arabi bas el key bord 3andi ma feyo Arabic Font fa ma twakhzona gami3an.....
hada 2l mawdo3 gidan mohem w bashkor 2l shabbab 2l taybeh 3ala 2l 2ehtimam b hek mawadi3, hl2 ana ktir mesta3'reb men sha3'let 2l bent yaly btelbes 7egab bas lazem ykon 2l kem taba3 2l 2amis lawara 2l ko3 , w ykon 2l bantalon asiir aw 7ata ykon nes sha3ra mbayen lal 3alam , ya3ni walahi shawaho soret 2l 2islam hek, 3andi shabab s7abi masi7iyeh 7akoni 3ala hal mawdo3 w beni w benkom sta7et sho 2a2elon l2no fe3lan shi bekhagel , ana ma 3am ba7ki 3al bent yaly btelbes asir aw cut aw shi l2no hada shi bekhesah 2ela lawa7da w ma darori tkon 3am ta3mel hek mashn telfot nazar yemkem hek bet7eb telbes, 2l mawdo3 3al banat yalay 3al 2sas m7agabat maskin 2l din bas 2l zaher eno shi 2esmo din sar zaman w tabet 2l moda 2l mo2refe ma7alo, w hada shi 3amma yizid kel fatra 3ala 2absha3 fa 2alla ye7mina w ye7mi banatna w allah ya3tikon 2l 3afyeh
أبو يمان
08-01-2006, 14:22
والله ها الموضوع لفت نظري كتير
اولا من باب الحكمة ان ندخل الموضوع من عدة ابواب
الباب الاول : البيت والتربية فية
كلانا يعرف ان اول من تقلد الفتاة تقلد امها في كل شيء
ثانيا :ان قصد الفتاة لبس القصير هوللفت النظر هذا باالدرجة الاولى ولاابداء مفاتنها ثانيا
الباب الثاني : هو الموضة التي نأخذها من الغرب والتي تاتينا بهدف واحد هو الاباحية والتحرر من باب الحرية
هذا للجميع كا عرب
اما من باب الاسلام :فهذا محرما قطعا قال تعالى (يا ايها النبي قل لأزواجك وبناتك ونساء المسلمين يدنين
عليهن من جلابيبهن ذلك ادنى ان يعرفن فلا يأذين )
ولم يحرم الاسلام الزينة للزوج وحلل لها ما تريد فأذا اظهرتالمراة مفاتنها للناس فماذا اخفت للزوجها ان
من الحياء ان تكون الفتاة متحشمة في لبسها اذ اننا نحن الرجال ننظر للمراة المحتشمة باحترام اكثر من التي تبدي مفاتنها ولا اقصد هنا المحجبة با المحتشمة
اخيرا شكرا على هاذا الموضوع الرائع وارجو ان تتقبلو رأي برحابة صدر وشكرا [smilie=real mad.gif]
الحقيقة لا حدا يلحقلي و يرفع صوتو علي ليش نكشت هالموضوع , بس بصراحة فكرتو جيدة و النقاش كان فيه اكتر من رائع , اليوم منشوف يلي انكتب بعد مرور ثلاث سنوات تقريبا ع هالموضوع كيف الامور تبهدلت بشكل غريب .
الفكرة هية هية اننا ما عم نحكي عن الدين , عم نحكي عن الشكل العام و شو كان تأثير هاللباس ع الشباب ؟ يعني هالاسلوب عم يجيب عرسان اذا قلنا هنن الهدف .
هالاسلوب عم يجيب تقدير للبنت اكتر بنظرها ؟
كيف بتشوف العنوان من ناحية المنطق اذا ما عدلت فيه شوي و قلت : بكرة بتتزوج و بتحتشم . حتى بعد عن الدين و رأيو المعروف .
نقظة يلي بحب قولها : اسلوب اللباس الحلو و المعقول كلياتنا منعرفو بس عم نحكي عن المبالغة بالامر .
بالعكس شكرا على هالموضوع ........ يلي نكشته سوما .. بس هلأ وش الصبح و سحور ما اتسحرنا .. فطور يس فطرنا ... و حشينا لشبعنا ..... لا حدا يلغيلي هالرد .. لانه راجع بكرا كمل ...
اعتقد انو الموضوع بيرجع للحرية الشخصية للفتاة
في فتيات بيلبسو هيك عن قناعة تامة وبدون اي ضغط او هدف للفت الانظار.. يعني ما بكون بفكرهن انو انا هيك راح الفت نظر، او حلال او حرام.. عندهن قناعة انو هاي حريتهن الشخصية وما تعدو او تجاوزو حدود الاداب العامة.
في بنات بالرغم من انهن لابسات مكشوف ولكنهن بيمشو بالشارع باحترامهن ما بيلتفتو لتعليقات او بيتصرفو تصرفات غير لائقة على الشارع.
ولكن كل اشي الو حدود.. يعني صحيح في بنات بحبو يلبسو مكشوف واحنا والمجتمع بنغدرش نمنعهن لأنهن جزء من المجتمع وقناعاتهن موجودة بقوة بمجتمعنا .. ولكن الحرية الشخصية مش لازم تتعدى مفهوم كلمة مجتمع شرقي يلي بالرغم من انفتاحو وطريقو بالتطور وتأثرو بالثقافة الغربية الا انو بيبقى المجتمع الشرقي مجتمع محافظ بأساسيات فكرو الباطن.
Powered by vBulletin® Version 3.7.3
Copyright ©2000 - 2009, Jelsoft Enterprises Ltd