داء العصر الحلو المجنون [الأرشيف] - منتديات طريق سورية
المساعد الشخصي الرقمي

مشاهدة النسخة كاملة : داء العصر الحلو المجنون

آيو
10-12-2005, 14:58
يعني عن جد مابعرف شو بدي ئلكون بس في عندي سؤال محيرني ليه الموضوع يلي شاغل العالم كلون

اكتر شي هو الحب يعني صاير مرض العصر

الكل عميبحث عنو والبعض انهوس بلقصة

يعني ماعدنا نشوف هلقصة حكر على جيل الشباب وحسب بل بلعكس

وصل المرض للكبار واستشرى فيون اكتر

الكل صايرين حبيبةحتى المتجوزين بيأقنعو حالون انو هنن عايشين بفتور بحياتن الزوجية وبيصيرو يبررو

سبب بحثن عن حياة عاطفية برا

ليش هيك صار فينا نسينا كلشي مهم بلدنيا ونسينا السبب الرئيسي يلي انوجدنا مشانو

ولحقنا عواطفنا الجارفة.

انا بعترف انو الموضوع يلي عمبطرحو عادي وبايخ وانو في كتير مواضيع خيلة انطرحت قبل

بس حبيت وصل رسالة صغيرة يمكن وصلتا بطريقة ركيكة بس بتمنا تقبلوا ... :oops:
RainMan7227
10-12-2005, 15:22
مسا الورد والياسمين الدمشقي يا آبو

الحب موجود على طول الزمان وعلى مر العصور وهو السبب بكل شي حلو والحب مختلفة أنواعه بس الأيام هاي صار إلو معنى غير شكل صار متل العلكة على كل لسان أو بالأحرى صار سلعة بتنباع وبتنشرى

بس الحب الحقيقي إلو كتير معاني جميلة ونبيلة وأكبر مثل حب الوطن أو حب الأم
وتسلمي
angel
10-12-2005, 15:44
و الله أنا برأي من الفراغ, هادا الفراغ على جميع الأصعدة هو سبب بحث العالم عن الحب,
الأصح تقول, بحث عن الإثارة, التغيير ( يعني تغيير جو). و على فكرة هي الشغلة يلي بيفرح المحب بفشلها لأنو بيلاقي شغلة يعاني كرمالها, ( بما أنو حياتو كلها سعادة و هناء), و بيصير يستخدم على هاد الأساس بوزات باسل الخياط و قصي خولي, و يسمع هاني شاكر,


عرفت شو السبب؟

سلام