مانشستر إتحاد والجمهور الأهلاوي

[Aghalation]

السلام عليكم ورحمة الله وبركاته:
حبيت أطرح هالموضوع....
في بعض الشباب عندون فكره عنو....

من يومين المساء دخلت إلى الشات الصوتية لموقعنا هاد syriapath..
ومن باب الدعابة دخلت بإسم "الاتحاد فريق جربان"... :mrgreen:
وهوباااااااااااااااا
كان في بعض الشباب موجودين بالدردشة....وسارت الأمور بمسرى كنت متوقعو...بس بعد ما شفت اللي شفتو قررت أطرح هالموضوع للناقش....
وإليكم مختصر الحديث الذي دار بيني وبين بقية الشباب....
جرى الحوار بين:
- الداعي....ودخلت بإسم "الاتحاد فريق جربان"
- مشجع رقم 1...ما راح أذكر إسمه
- مشجع رقم 2...ما راح أذكر إسمه
- مشجع رقم 3...ما راح أذكر إسمه
مجرد ما دخلت بهالإسم....اتجهت أنظار الشباب نحوي...
وبلشوا الشباب ياخدو ويعطو معي...بالأول كان عبيسألوني شو هو فريقي..
وأنا ما كنت عبجاوب لأني ما بالأساس لا بتابع ;) ولا بحب كرة القدم ;) وما في ولا فريق بيستهويني أبدا...((إلا في حالات نادرة بتابع فريق إنكلترا))....وبصريح العبارة أنا كنت عبتغالظ...ومالل وما في شي وعبتسلى....بس وقت صار اللي صار ....أثارو اهتمامي كتير...وكملت اللعبة....
وطبعا دار الحوار على الـ Public تبع الشات....
وبعدين تطور الوضع لأنو بلش أحد المشجعين يقولي "إنت واحد متخوزق من الاتحاد"
جاوبتو بكل بساطة إنو "مافي داعي لهاملافظ أنا ما غلطت بحقك وإنت عبتغلط بحقي"
من ثم
دخل مشجع وبمجرد ما شاف إسمي....قالي "خراس"....نعمص :shock:
كمان جاوبتو بكل بساطة إنو "لو سمحت لا تحكي معي بهالطريقة أنا ما غلطت بحقك وإنت عبتغلط بحقي"
من ثم
أحد المشجعين حكى معي على الـ Private..وأظنو مشجع رقم 2... وقالي "إنت الجربان"
قلتلو "إنت عبتغلط بحقي ويوم القيامة راح توقف قدامي ورب العالمين راح ياخدلي حقي منك"
قام الزلمه قالي "بس إنت كمان عبتغلط بحقي وأنا بلعب بالاتحاد وعبتقول علينا جربانين والاتحاد في إلو مليون مشجع وإنت عبتقول على مليون واحد إنو جربانين معناتها يوم القيامة راح توقف قدام مليون واحد والله ياخد حقوقهم منك"
قلتلو "أنا كتبت إنو فريق الاتحاد جربان مو المشجعين...وأنا قصدي إنو اللعب تبع فريق الاتحاد هو الجربان..وهاي واضحة"....
قالي المشجع "بهاي معك حق...فعلا الفريق لعبو جربان وفريق فاشل"....همممممم :|

بنرجع على الـ Public...بلاقي الشباب مو مهدّين بنوب....
قعدو يعيدو نفس السيرة على بين الـ "خراس" ...وبين "إنت واحد متخوزق"....
رجعت شرحت للشباب كلها مره تانية إنو "يا شباب عبتقولولي خراس ومتخوزق لأني عبحكي على فريق قدم...طيب لو حدا كفر وسب الله أو سب النبي أو سب الدين...كنتو عملتو كل هاد وسبيتو وحشكتو عليه كل هاد؟"
قالولي "خلي حدا يسترجي يسب أو يكفر"
حكى معي أحد المحايدين على الـ Private.... وقعد يقولي إنو "الشباب متعصبين شوي وإسمك استفزازي...والشباب أكيد ما راح يسكتو إذا حدا كفر أو سب النبي.."
فجابوتو للمحايد "عبحكي بشكل عام مو بالشات...بالحياة العملية وقت واحد من رفقاتك يكفر ويلزقلو كفرية قدامك بتنزعج كل هالقد؟ وبتنتقدو وبتقول "خراس" متل ما عبيقولولي مشان فريق الاتحاد...وكل اللي قلتو إنو فريق جربان يعني لعبو جربان"
وكل ما كان واحد يسبني منون...أقولو "الله يسامحك..إنت عبتغلط بحقي ويوم القيامة راح توقف قدامي ورب العالمين راح ياخدلي حقي منك"
بتعرفوا شو كان الجواب؟؟ :roll: :roll: ...قالولي "ما شاء الله...مهذّب".. :shock: ..طبعا واضح إنو عبيتمسخرو...المهم
بعد شوي تدخل مشجع رقم 2 ....إللي حكا معي على الـ Private وقال للشباب "مظبوط حكيو الفريق لعبو جربان"
وهون بقا...هوباااااااااااااااااااااااااااااااااا
تحولت دفة الحوار والهجوم والصواريخ ضد...المشجع رقم 2....ليش؟؟ لأنو قال على الـ Public...إنو الفريق فاشل...
قالولوه "إنت مالك من الفريق"
قالون "على العكس أنا من الفريق وأخوي فلان الفلاني"..وذكر اسم أخوه...وفعلا أخوه من أشهر الأسماء..
وانقلب الحوار إلا تلاسن وسباب....وحكي طالع نازل...
وهييييييييييييييييييييييييه...وعلقــــــــــــــــ ـــــــــــت..لبيل ما تدخلو المشرفين....وعملو Mute وعملو Band على الجميع ومن ضمنون أنا.... 8) :cry:
ولبيل ما قالو للجميع ....ارجعوا ادخلو بأسمائكم الحقيقية وبطلو سب....
وفعلا اللي رجع دخل بإسمو دخل...واللي أخد على خاطرو أخد...
المهم:
أنا كنت عبتفرج على اللي عبيصير وشي عبتضحك وشي زعلان على هالردة الفعل هاي...أنا ما دخلت بغاية التجربة...بس بعدين اتحولت لتجربة وحبيت أشارككم فيها...
يعني كل هاللوصة اللي صارت بس لأنو واحد قال على فريق كرة قدم إنو جربان...
ليش هيك بسهولة قدرت إني أستفز كومة شباب...؟؟ :roll:
مع العلم إنو ما سبيت ولا عصبت واتدايقت ولا نرفزت؟؟ :roll:
الأخ المحايد قاللي "الشباب متعصبين للفريق... وإنت إسمك استفزازي"
أنا بعترف إنو الإسم استفزازي....بس هل هية القصة مستاهلة كل هاد؟؟
طيب هالشباب إللي أنا استفزيتهم بسبب فريق كرة قدم....
ليش ما عبتستفزهم إسرائيل وقت عبتقتل وتدبح الفلسطينيي؟
ليش ما عبتستفزهم أميركا وقت عبتقتل وتدبح العراقيين؟
ليش ما عبيحمى الدم عندون ولا عبيغارو على دينهم وعلى تاريخهم ولا على بلدهم ((وعبنشوف كيف عبيحاولو يؤذونا)) متل ما عملو مشان فريق كرة قدم؟؟
راح تقولولي شو طالع بإيدهم؟؟
طيب ضروري يكون الشي الوحيد اللي بيطلع بإيدهم هو المحاربة إلى جنب هالأبطال؟
حدا خطرلو يفيق الصبح ويدعي "الله ينصرهم" ..."الله يقويهم" ..."الله يصبرهم"؟..مره باليوم...بس مره..!!
حدا خطرلو يدعي ويقول "يا رب سامحني لأني ما عبقدر أعمل شي لأخوتي في فلسطين والعراق"؟؟
أنا متأكد إنو كل هالشباب بيعرفو كل فرق الدوري وكل نتائج مبارياتو وحفظانين كل النقاط وقيمك وحطك...طيب حدا منهم خطرلو يقرا تقرير ميليس؟؟ :roll:
ويشوف شي عبيحكي وشو عيبألف ويخترع؟؟ :roll:
أنا ما بنكر عليهوم يكون عندون هواية...والرياضة هواية كتير حلوة وأفيد شي من الناحية الجسمية....بس شايفين شو عبتعمل بالعقل؟؟ عبتجيب نتيجة عكسية معون...
هل الغلط بالهواية نفسها الي هي الرياضة؟؟ ولا بالهواة .... هالمشجعين الأشاوس؟
يعني الجمهور الرياضي تبع الروح الرياضية إلي واجهتو أنا امبارح...عبيمثل فئة مصغرة ولكن حقيقية عن الجمهور الاتحادي العريض....
حكينا على الفريق إنو جربان ...ما عجبهم... :cry:
قلنالون "الله يسامحكم"...ما عجبهم.. :cry: قال "ما شاء الله مهذّب" :roll:
متل أي لعبة للاتحاد...إذا خسر الفريق بينزل الجمهور..وبيكسروا المحلات وكل شي لونوا أخضر...
وإذا ربح الفريق...بيكسروا المحلات وكل شو لونو أخضر..
ما عدا متل ما ذكر الأخ Abdo_H في موضوع تاني...إنو الكفريات اللي عبتصير بالملاعب أثناء المباريات...شي فوق التصور والوصف...
طيب يا جماعة نحنا كيف بدنا ندافع عن بلدنا ضد المخاطر؟؟
بالسلاح والوطنية ...؟؟ أكيد
طيب.... والعلم؟؟ والفكر؟؟ والوعي؟؟ هادول مو أقل أهمية من قوة السلاح...
وقت ذكرت للشباب يوم القيامة والوقوف بين يدي الله عز وجل...ما حدا انتكش بفرنك...ولا كأني حكيت معون..وبيقولولي "خلي حدا يسترجي يكفر هلأ"....طيب احسوب حساب وقفتك قدام الله....
الأخ المشجع رقم 2 ذكر نقطة كتير مهمة...إنو وقت عبتسب فئة معينة من الناس...إنت عبتغلط بحقهم كلون...والله بدو يقتص منك يوم القيامة لأنك غلطت بحق هالفئة هاي...وتصور هالفئة هاي كلها بدها تاخد حقها منك...سواء كانو 100 ولا مليون..منين بدك تلحقلون؟؟
شيء مؤسف بصراحة...
..شو رأيكم

[broo]

بس ممكن افيدك بشغلة بسيطة





بس الناس يا حبيبي هيك بتفكر بعدين شو عم تقلوا الله بياخدلي حقي ، الناس ما بتفهم غير بالشغلات الملموسة

يعني اذا ما بتدفع فاتورة موبايلك بينقط فلذلك بيركضو ليدفعوها عرفت

بس اذا ما بتقوم بفروض اللي الله فرضها عليك بدك تنشل و الله يكسرك هداك الوقت بيركض و بيساوي كل الفروض
شغلة طويلة

و في متل بيقول ابوي ما بيستقوي غير على امي و السلام و لك جزيل الشكر

[THE DARK LORD]

وأنا ما كنت عبجاوب لأني ما بالأساس لا بتابع ولا بحب كرة القدم وما في ولا فريق بيستهويني أبدا...((إلا في حالات نادرة بتابع فريق إنكلترا))
اول شي انا هون معك بالمية المية
طيب ضروري يكون الشي الوحيد اللي بيطلع بإيدهم هو المحاربة إلى جنب هالأبطال؟
حدا خطرلو يفيق الصبح ويدعي "الله ينصرهم" ..."الله يقويهم" ..."الله يصبرهم"؟..مره باليوم...بس مره..!!
حدا خطرلو يدعي ويقول "يا رب سامحني لأني ما عبقدر أعمل شي لأخوتي في فلسطين والعراق"؟؟
أنا متأكد إنو كل هالشباب بيعرفو كل فرق الدوري وكل نتائج مبارياتو وحفظانين كل النقاط وقيمك وحطك...طيب حدا منهم خطرلو يقرا تقرير ميليس؟؟
ويشوف شي عبيحكي وشو عيبألف ويخترع؟؟
بقى هون خليني أقلك شغلة وقت فريق الأتحاد ربح الدروي قامت الدنيا وقعدت بحلب وتسكرت الشوارع والسيارات كلها مزينة بأعلام فريق الأتحاد قسماً بالله لو تشوف المناظر يلي طلعت بيومها بدك تقول مو بس مجانين بدك تقول مهسترين يعني شو صار إذا ربح فريق الأتحاد الدروي يعني اتحررت فلسطين والله العظيم وانا متأكد انو حتى لو تتحرر فلسطين ماحدا بيطلع بهيك مظاهرة يعني عنجد المشجعين صارو مجانين وانا والحمدلله الله عافاني من هالسوسة و وجع الراس وعنجد انا مو عم أحكي هالحكي مساندة لأخوي بس لأنو عنجد هادا هو الواقع يلي عم يصير هون بشعبنا ياجماعة فيقو والله صار في شي أهم من تضيع الوقت على اللعب والحكي الفاضي المالو طعمة والعلاك المصدي وهاد ربح وهاد خسر ويالله ساوو مظاهرة لأنو فريق فلان ربح او فريق علان خسر يا جماعة حاج أوعو على الدينا في شي كتير أهم من هالشغلات ولا تواخذونا إذا ضايقنا حدا ومشكورين للكل وأحلى آغاليشين بس بكرى بشوفو هدول يلي حكو معك انو في الله ورح يجيهم يوم ويقفو قدام الله ويقولو ياريتما كنت هيك حكيت.
على كل حال مشكور آغاليشين وسلامزززز .

[abu_6afesh]

اول شي الفكرة كانت حلوة منك اغا وطريقة جميلة لاستفزاز الشباب :) ... بس هدا الحكي اغا وقصي اجا منكن لعدم متابعتكن للدوري السوري وبشكل عام كرة القدم ... كل شب عندوو هوايتوو ممكن انتا نزعجت لانو الشباب زودوها معك مع انو ما بيعرفوك مين كنت انتا ... الشغلة عادية في فرحة لكل شي في فرحة مشجعين ربح فريقن وفي فرحة لانتصار لمسلمين نفس الشي بس ليجي وقتها ... والدعاء اللي بدي ادعيلوو لفلسطين بدعيلوو قبل ما ادعي لاي فريق بشجعوو ... انتا قصي حاج تشد مع اخووك انتو ماتبيعين طابة ;) احلىى اغا واحلىى قصي ......

اغا بدك تعرف اديش منحب ارض فلسطين اللي هيا ارضنا رووح دخوول باسم شارون مارح يصير ميووت من الحكي اللي بدوو يجيك بدووو يصير التبنيد على ابو مووزة :D


حبيبي اغا حب الطابة ;) بترتاح كتيير

[scorps22a]

1- ومن باب الدعابة دخلت بإسم "الاتحاد فريق جربان"...
انعمص على هالدعابة..... طيب اذا هي دعابة... شو كان رح يكون اسمك لو كنت متقصد تستفز الشباب :mrgreen:
"إنت واحد متخوزق من الاتحاد"
"خراس"....
:| :shock: :? :cry:
الله يصلحنا و يحسن أخلاقنا.
"إنت عبتغلط بحقي ويوم القيامة راح توقف قدامي ورب العالمين راح ياخدلي حقي منك"
لو كل واحد فكر بهالجملة منيح و طبقها... ما كان وصلنا لهالحالة اللي نحن فيها. :(

2-
حدا خطرلو يفيق الصبح ويدعي "الله ينصرهم" ..."الله يقويهم" ..."الله يصبرهم"؟..مره باليوم...بس مره..!!
حدا خطرلو يدعي ويقول "يا رب سامحني لأني ما عبقدر أعمل شي لأخوتي في فلسطين والعراق"؟؟
حدا خطرلو شي مرة يفيق بنص الليل و يترك السرير و يقوم يصلي ركعتين يدعي فيهم لحالو و مشان حالو مو مشان حدا تاني....!!!!

3-
بس اذا ما بتقوم بفروض اللي الله فرضها عليك بدك تنشل و الله يكسرك هداك الوقت بيركض و بيساوي كل الفروض
طيب شو رأيك نقلو بدالها قول الله تعالى:
بسم الله الرحمن الرحيم
وَجَاءتْ سَكْرَةُ الْمَوْتِ بِالْحَقِّ ذَلِكَ مَا كُنتَ مِنْهُ تَحِيدُ * وَنُفِخَ فِي الصُّورِ ذَلِكَ يَوْمُ الْوَعِيدِ * وَجَاءتْ كُلُّ نَفْسٍ مَّعَهَا سَائِقٌ وَشَهِيدٌ * لَقَدْ كُنتَ فِي غَفْلَةٍ مِّنْ هَذَا فَكَشَفْنَا عَنكَ غِطَاءكَ فَبَصَرُكَ الْيَوْمَ حَدِيدٌ * وَقَالَ قَرِينُهُ هَذَا مَا لَدَيَّ عَتِيدٌ * أَلْقِيَا فِي جَهَنَّمَ كُلَّ كَفَّارٍ عَنِيدٍ * مَّنَّاعٍ لِّلْخَيْرِ مُعْتَدٍ مُّرِيبٍ * الَّذِي جَعَلَ مَعَ اللَّهِ إِلَهًا آخَرَ فَأَلْقِيَاهُ فِي الْعَذَابِ الشَّدِيدِ * قَالَ قَرِينُهُ رَبَّنَا مَا أَطْغَيْتُهُ وَلَكِن كَانَ فِي ضَلَالٍ بَعِيدٍ * قَالَ لَا تَخْتَصِمُوا لَدَيَّ وَقَدْ قَدَّمْتُ إِلَيْكُم بِالْوَعِيدِ * مَا يُبَدَّلُ الْقَوْلُ لَدَيَّ وَمَا أَنَا بِظَلَّامٍ لِّلْعَبِيدِ * يَوْمَ نَقُولُ لِجَهَنَّمَ هَلِ امْتَلَأْتِ وَتَقُولُ هَلْ مِن مَّزِيدٍ

[SAMANDAR]

ورحمة الغوالي بدكون تصدقو بدكون لا عبقرا وفارط من الضحك لانو الموضوع كلو مابستاهل لك يا جماعه نحنه اليوم عبواب حرب الكل عبتابع الاخبار وعبشوف اش عبصير بسوريا ولك اذا لعب الاتحاد والحريه حلبيه نع بعضون بضربو بعض اذا الفريق يلي بدون يا ماربح ولك شلون بدنا نوقف بوج دوله متل اميركا اذا الطائفيه ماشيه بدمنا والله العظيم عيب يا اخي الكل بيعرف انو الطبقه يلي بتشجع اي نادي من حلب دون ذكر اسماء لدرجه زايده شوي انا بعتبرو مو بني ادم يا جماعه والله انا بعرف واحد سبو باغلى ماعندو ولاتسب الاتحاد ادامو عجب لو سبيت العرب ادامو بفتح تمو شي والله يا اخي كل مابشوف هيك شوفات بتجيني لحظه ياس وبخجل من حالي كوني حلبي وشكرا

[angel]

يعني يا أغا لو بتابع الدوري السوري ماكنت زعلت, بس للأسف ما عنا ولا لاعب بيفش القلب. والله إذا بيركض شي لا عب أوروبي جنب أرجل لاعب سوري ليدعسو بيدون ما ينتبه أنو في بني أدم جنبو. بس الغريب أنو كل هالفشل المادي و المعنوي و العاطفي, و مع ذلك العالم مصرة تشجع هالدوري, معناها اللي بأسبانيا و بإيطاليا شو بدهون يساوو بحالون؟ :shock:
على كل حال أنا بس حبيت ألفت نظر لهاجهة من الموضوع, لا تواخذونا غيرنا منحى الموضوع. بس
scorps22a ما خلا لحدا حكي :D .

شكرا.

[صقر السعودية]

بصراحة موضوع مرح هادف جدا جدا بس وبصراحه الشباب اخذو حقهم بالكامل منك ههههههههههههههه
وبصراحة ايضا انت بهذا الموضوع اعطيتنا فرصة انه نفتح مليون موضوع ياعالم الغرب بتلعب فينا كورة وحنا بنشاهد الكورة من جد فاضييييييييييييييييييييييين