طلب مساعدة من اهل الخبرة [الأرشيف] - منتديات طريق سورية
المساعد الشخصي الرقمي

مشاهدة النسخة كاملة : طلب مساعدة من اهل الخبرة

عاشق المساء
06-11-2005, 21:50
السلام عليكم ورحمة الله وبركاته

يا ريت تساعدوني ان امكن

أنا عندي كمبيوترين

واحد (لابتوب) أو ( كمبيوتر محمول) والتاني عادي (منزلي)

حابب اوصل التنين مع بعض بحيث اذا دخلت الانترنت من كمبيوتر المنزل

اقدر اشتغل على الـ (لابتوب) كمان وادخل الانترنت يعني ادخل الانترنت من الكمبيوترين

وانا هون ما بأمن للمهندسين علشان كلهم نصابين

فياريت تعطوني الطريقة اذا امكن وشو محتاج وصلات

وألف ألف ألف شكر الكم

تقبلو تحياتي
Speed
06-11-2005, 22:56
وانا هون ما بأمن للمهندسين علشان كلهم نصابين

فياريت تعطوني الطريقة اذا امكن وشو محتاج وصلات

حبيبي عاشق المساء... وصلت.... أبشر

في عدة طرق إنو توصل كومبيوترين بس الطريقة الأسرع و يللي كل محلات الإنترنت بيستعملوها هي التالية:

أول شي لازم يكون عندك كرت شبكة بالجهازين... ال laptop عالأغلب فيو كرت شبكة بس desktop مو أكيد, المهم إذا ما فيو بتقدر تركبلو كرت شبكة... إسمو lan card

تاني شي لحتى توصل الجهازين مع بعض لا زم يكون عند حهاز إسمو hub أو بكلمات بسيطة شغلة متل "حرامي الكهربا" يعني فيها مدخل واحد و أكتر من مخرج

تالت شي التوصيلات, بدك تشتري كابلين, الكبل إسمو lan cable/hub-computer يعني بيوصل من ال hub للكومبيوتر

رابع شي بعد ما تتأكد إنو عندك ال lan card عالجهازين و معرفين بشكل صحيح و عندك ال hub و التوصيلات بتبدا توصل الأشياء مع بعضهن, كبل التلفون أو خط الإنترنت بتوصلو بمدخل ال hub و بتوصل الكابلين يللي جبتهن بالمخارج تبع الhub من طرف و الطرف التاني لكل كابل بتوصلو بكرت الشبكة تبع كل كومبيوتر

هيك صار التوصيل جاهز و بقي عليك تعريف الشبكة من كل كومبيوتر... بس تعمل هالشغلات يللي قريتها فوق, بتقدر تبعت رسالة خاصة ل speed او the dark1 أو Dehnumanizer أو abu 7alab تسال فيها عند إعدادات و تعريف الشبكة.... بس هيك و يا أهلا عاشق المساء

باي
بيشو
06-11-2005, 23:50
ابشر وصلت


ابوعصام عندو حل حلو وانا رح ضيف شغلة صغيرة في ب السوق كبل pc 2 pc


اسهل و اوفر شرط يتواجد الكبل
عاشق المساء
07-11-2005, 01:16
[Only registered and activated users can see links]على راسي بلد الشباب speed
وبيشو تقبلو تحياتي

جاري العمل والتخبيص لحتى وصل لنتيجة