الغريب والأغرب [الأرشيف] - منتديات طريق سورية

scorps22a

06-09-2005, 14:40

غريب كيف أننا نرى 100 ليرة كبيرة عندما نأخذها إلى المسجد وصغيرة جداً عندما نأخذها إلى السوق

غريب كيف أننا نرى ساعة في طاعة الله طويلة ولكن ما أسرع تسعين دقيقة في لعب كرة قدم أو ستين دقيقة في ألعاب الكمبيوتر

غريب كيف يفرح الناس عندما تُعطى المباراة وقتاً إضافياً ولكن يشتكي الناس عندما تطول خطبة الجمعة عن وقتها المعتاد

غريب كيف أنه من المجهد قراءة جزء من القرآن الكريم وكيف أنه من السهل قراءة رواية مختارة من 200 الى 300 صفحة

غريب كيف أننا نصدق ما تقوله الجرائد ولكن نتساءل عن ما يقوله القرآن الكريم

غريب كيف يبدو طويلا قضاء ساعتين في المسجد ولكن كم هي قصيرة عند مشاهدة فيلم سينمائي

غريب رغبة الناس في الحصول على المقعد الأمامي في أية لعبة أو حفلة ولكنهم يتزاحمون للجلوس في مؤخرة المسجد

غريب كيف أننا نحتاج من 2-3 أسابيع لجعل مناسبة إسلامية تتوافق مع جدولنا ولكن من الممكن تعديله وضبطه لمناسبة اجتماعية في آخر لحظة

غريب كيف أننا نحتاج إلى مدة طويلة ونواجه صعوبة في حفظ آية أو اثنتين من آي القرآن الكريم ولكن نحتاج مدة قصيرة لحفظ أغنية وبسهولة

غريب رغبة الناس في الذهاب إلى الجنة بشرط عدم اعتقاد أو تصديق أو قول أو عمل أي شئ

تحياتي لكم

Aghalation

06-09-2005, 15:04

لا فض فوك

أبو ناجي

06-09-2005, 15:22

بحق ما اخترته شيء جميل جدا جدا
ما اروع المتناقضات وما اجمل الحكمة
-----------------------------------------

أبو ناجي الفقير لحروفكم

Digger

06-09-2005, 16:10

الله يعطيك العافيه....
فعلا هاد الشي الي عبيصير...
بس أنا خوفان أنو العالم تقرا هاد الحكي وتهز راسها مؤمنه...... بعدا يرجعو يساوو نفس الشي
الله يهدي الجميع

lucifer

06-09-2005, 16:28

Digger

06-09-2005, 16:38

موضوع جميل... وأزيد...
غريب أننا نذهب إلى الجوامع لنصلي ولا نقطع صياما ونتشاهد عند كل أذانً... لنغسل كذباً ونفاقاً ووجوهاً زائفة.. وننسى أن الدين هو المعاملة والأخلاق أولاً....
غريب أننا نقرأ القرآن... وونسى ((عملوا الصالحات وتواصوا بالحق))... وننسى كلمة الحق...
غريب أن حياتنا وعملنا معتمدين على كذبً.. ورشوة لموظف أو شرطي... وكلمة "مشيا بقا" ... و"عادي"...و....
غريب اننا نمسك بالقول "انما الأعمال بالنيات" لكي نبرر أخطاءنا وفشلنا... وننسى قصده ومعناه الحقيقي...

جميل هذا الكلام وهي أخطاء دائمه الحدوث
بس لا تنسى يا اخي أنو الدين والمعامله هما المزيج
يعني متل ما حكيت على هاي الفئه لازم تحكي عن الفئه الثانيه
يعني مو يجيك واحد لا بصلي ولا بيصوم ولا بيزكي وبعدا بقلك الدين معامله وأنا ما باذي حدا اذن أنا فخم
الشخص المطلوب لازم يكون مزيج بين الحسنات بهذا الشخص وذاك

وأحترامي

lucifer

06-09-2005, 17:38

"الدين المعاملة"... "إنما بعثت لأكمل مكارم الأخلاق".... وغيرها أقوال كثيرة...
لنذكر قصة المرأة التي دخلت النار في قطة حبستها.. ما هو المغزى من تلك القصة؟ المعاملة الحسنة...
وهل نكون كالمنافقين الذين شهدوا بأن لا إله إلا الله ثم كذبوا وتلاعبوا...
في حياة النبي.. وفي قصصه ومواعظه كثير كثير من الأمثلة التي يشدد فيها على هذا الموضوع.... لم لا نأخذها بعين الإعتبار....
أود أن أسألك .. من تفضل في التعامل.. إنسان يصلي ويصوم ويحج وكذب؟ أم انسان يصدقك القول ولو كان لا يصلي مثلاً...
كل من أعرفهم من مسلمين يذهبون إلى الجامع يا صديقي... ولكن ليس كل من أعرفهم هم أناس يملكون مبدأ... يتعاملون بشكل صحيح وخلق صحيح... وأنا ما عم جيب شيء جديد... كلنا يعرف ما أقوله... أردت فقط أن أضيف لأكمل الموضوع الجميل الذي بدأه scorps22a...

Fade Moon

06-09-2005, 18:42

[align=right:e6f3c73e1b]أنا معك يا لوسيفر
لأن الانسان الذي لا يصلي و لا يصوم و لا........ لكن معاملته للناس جيدة
فهو حر (يستطفل منه لربه)
و لكن الانسان الذي يصلي و يصوم و............ لكن معاملته للناس سيئة
فهو ليس فقط يغضب ربه و انما يؤذي الناس و هذا شيء يعاقب عليه أيضاً( يعني في الدنيا و الآخرة)

لذلك أنا رأي أن المعاملة و الأخلاق هما أساس الدين

(كل الناس حالياً راكضة ورا الدين بس للأسف مجتمعنا عوض ما يتقدم عم يرجع ل ورا و عم ينفسد أكتر
لأنو عم يلحقوا مظاهر الدين فقط و ليس جوهره)

ولا شو رأيكم؟؟؟؟[/align:e6f3c73e1b]

scorps22a

07-09-2005, 09:54

الى Digger
بس لا تنسى يا اخي أنو الدين والمعامله هما المزيج
يعني متل ما حكيت على هاي الفئه لازم تحكي عن الفئه الثانيه
يعني مو يجيك واحد لا بصلي ولا بيصوم ولا بيزكي وبعدا بقلك الدين معامله وأنا ما باذي حدا اذن أنا فخم
الشخص المطلوب لازم يكون مزيج بين الحسنات بهذا الشخص وذاك
كلام سليم و ما بقدر بحكي شي من بعدك.

الى Lucifer
"الدين المعاملة"... "إنما بعثت لأكمل مكارم الأخلاق".... وغيرها أقوال كثيرة...
يمكن " الدين المعاملة" يكون واحد من أقوال كثيرة،
بس " إنما بعثت لأتمم مكارم الأخلاق" مو قول لأنو حديث شريف عن النبي محمد صلى الله عليه و سلم

كلامك عن المعاملة صحيح بس متل ما قال Digger المعاملة لوحدها ما بتكفي
و اكيد كمان الصلاة و الصيام من دون معاملة و أخلاق ما بتكفي

الى Fade Moon
فهو حر (يستطفل منه لربه)
لو كل شخص بالدنيا شاف شخص عم يعمل معصية و حكى نفس كلامك كان الدنيا خربت من زمان
و أكيد معلوم للجميع أنو الأمر بالمعروف و النهي عن المنكر من أساسيات الدين... و لا شو رأيك.

شكري لكم على آرائكم.... و متل ما قال أبو ناجي
ما اروع المتناقضات وما اجمل الحكمة

lucifer

07-09-2005, 11:49

إنما بعثت لأتمم مكارم الأخلاق" ... أكيد حديث ...عذراً لأني لم أنوه لذلك...
الأمر بالمعروف والنهي عن المنكر أكيد من الدين.. بس إذا جينا نفكر فيا... الأمر بالمعروف والنهي عن المنكر لا يتضمن فقط فقط الأمر بالصلاة والصوم.. المعروف يكون مع العباد أيضاً...
أنا برأيي أن النبي أول ما جاء جاء ليصلح الناس... العبادات جاءت لتذكرنا بذلك..حتى لا ننسى..ولكن مع الأسف بعض الناس تركوا ذلك رغم كونهم يقيمون الصلاة ويصومون ويؤتون الزكاة... "إن الصلاة تنهى عن الفحشاء والمنكر" بمعنى أنها يجب أن تذكر المصلي أن صلاته يجب أن تقترن بالعمل الصالح.. العمل الصالح يشمل كثيرمن الأمور يا ريت كل المصلين ينتبهوا إليها...
بيضل رأي شخصي بالنهاية...
الشكر إلك scorps22a على الموضوع الجميل...

Fade Moon

07-09-2005, 20:17

لو كل شخص بالدنيا شاف شخص عم يعمل معصية و حكى نفس كلامك كان الدنيا خربت من زمان
و أكيد معلوم للجميع أنو الأمر بالمعروف و النهي عن المنكر من أساسيات الدين... و لا شو رأيك.

العرب أصلاً بس شاطرين بالتنظير و اطلاق الأحكام على بعضهم البعض (هذا يصح و هذا لا يصح) .
و يا ليت أنهم يطبقوها على أنفسهم بل على العكس يحللوا لأنفسهم و يحرموا على غيرهم.

صارت معي قصة :
(عندي رفيق دوماً بيبعتلي ايميلات فيها آيات و أحاديث و أدعية لكل المناسبات
و كنت أقول و الله هالزلمة ديّن و بيخاف الله و دوماً بيحكي معي على أساس بينصحني
و من أسبوعين عرفت بالصدفة انو رفيقي طلع حتى ما بيصلي يعني طلعت أحسن منه ,
بقا خود على هاد و متله )

scorps22a

08-09-2005, 08:24

العرب أصلاً بس شاطرين بالتنظير و اطلاق الأحكام على بعضهم البعض (هذا يصح و هذا لا يصح) .
و يا ليت أنهم يطبقوها على أنفسهم بل على العكس يحللوا لأنفسهم و يحرموا على غيرهم.

هالكلام مو صحيح دائما و أصلا غلط أنو نفكر هيك لأنو اذا بقيت هي نظرتنا لبعض ... بعمرنا ما رح نتطور
و حتى لو كان هالحكي صح فهالشي ما بينفي أنو الأمر بالمعروف و النهي عن المنكر من أساسيات الدين.

{كنتم خير أمة أخرجت للناس تأمرون بالمعروف وتنهون عن المنكر وتؤمنون بالله ...}

Aghalation

08-09-2005, 11:56

صارت معي قصة :
(عندي رفيق دوماً بيبعتلي ايميلات فيها آيات و أحاديث و أدعية لكل المناسبات
و كنت أقول و الله هالزلمة ديّن و بيخاف الله و دوماً بيحكي معي على أساس بينصحني
و من أسبوعين عرفت بالصدفة انو رفيقي طلع حتى ما بيصلي يعني طلعت أحسن منه ,
بقا خود على هاد و متله )

يعني وقت حدى بيبعتلنا إيميلات نصيحة لازم نحط ببالنا (فذكر إن الذكرى تنفع المؤمنين) أحسن ما نشوف هالإيميلات على إنها "حركات مالها طعمة"....أو "كل واحد حر بدينو"....لأنو بالأخير اللي بعت إيميلات أحاديث شريفة وآيات كريمة، قصدو خير...
وبيكون من الأحسن إنو الواحد يتقبل هالإيميلات لأنها منيحة...وأحسن من إيميلات عن معاني الصداقة ومعاني الحب....وتبعون "إذا لم ترسل هذا الإيميل إلى 5 أشخاص الآن فإن سوء الطالع سيرافقك إلى نهاية العام"...أو تبعون "تمنى أمنية وستتحقق في غضون ساعة بعد أن ترسل هذا الإيميل إلى أعز أصدقائك"

وبعدين إذا هادا الرفيق ما بيصلي ليش اعتبرتي حالك أحسن منو؟؟؟
قال تعالى ( فلا تزكوا أنفسكم هو أعلم بمن اتقى ) النجم 32
وقال جل ذكره ( ألم ترى إلى الذين يزكون أنفسهم بل الله يزكي من يشاء ولا يظلمون فتيلا ) النساء 49
وقال رسول الله صلى الله عليه وسلم ( لا تزكوا أنفسكم ، الله أعلم بأهل البر منكم )

scorps22a

08-09-2005, 12:01

وبعدين إذا هادا الرفيق ما بيصلي ليش اعتبرتي حالك أحسن منو؟؟؟

كنت بدي قولها بس بعدين حذفتها.... :twisted:

الله يعطيك العافية يا آغا عالرد الحلو ... بس يا ريت ما يتاخد الرد بشكل شخصي ;)

sara

08-09-2005, 12:21

Aghalation

08-09-2005, 13:29

اقتباس:
العرب أصلاً بس شاطرين بالتنظير و اطلاق الأحكام على بعضهم البعض (هذا يصح و هذا لا يصح) .
و يا ليت أنهم يطبقوها على أنفسهم بل على العكس يحللوا لأنفسهم و يحرموا على غيرهم.

هالكلام مو صحيح دائما و أصلا غلط أنو نفكر هيك لأنو اذا بقيت هي نظرتنا لبعض ... بعمرنا ما رح نتطور
و حتى لو كان هالحكي صح فهالشي ما بينفي أنو الأمر بالمعروف و النهي عن المنكر من أساسيات الدين.

لازم بالأول نعترف بأخطاءنا وبالوضع اللي نحنا عايشين فيه قبل ما نحاول نتطور. أما حول مسألة يحللوا لأنفسهم ويحرموا على غيرهم. فقد أصبحت من شيم العرب في هذه الأيام. حتى على أقل المستويات.
مجرد ما شعر الإنسان بأنو متحكم بإنسان أخر بدأ بالتنظير و توجيه الأوامر. للأسف

والله مو بس العرب اللي بيحرموا وبيحللوا على كيفهم.....ولا ليكون مسبة العرب صارت علكة تنعلك على الرايح والجاي..
أميركا وقت عارضت قرار مجلس الأمن وقررت غزو العراق...حللت على كيفها وحرمت على كيفها
الملك هنري ملك إنجلترا وقت الكنيسة منعته إنو يطلق ويتزوج واحد مطلقه...قتل الرهبان وتمرد على الكنيسة وأنشأ الكنيسة الأنجليكانية...وفصّلها على كيفو...يعني حلل وحرم على مزاجه
إسرائيل وقت اغتصبت أرض فلسطين لإنشاء وطن قومي لليهود بمساعدة أوروبا....كمان حرموا على كيفهم وحللو على كيفهم...أعمال القتل والتهجير التي مني بها الشعب الفلسطيني من أرضه...بالعرف الإنساني كانت حرام..فما بالكم بالعرف الديني.....وكلها كانت تبعا لتوجهات دينية يهودية مبنية على "برتوكول حكماء صهيون"...وفيه تحليل لدم العربي وبالأخص غير اليهودي..
هذا مو تحليل وتحريم على كيفهم؟؟
ولا بس شاطرين نشوف أخطائنا جرائم...وأخطاء الغرب...هفوات...؟؟
ووقت يجي المتحكِم ويفرض تنظيره على المُتَحكّم به بأمور شرعية فرضها الله والدين...فهادا مو غلط..
الغلط وقت بدو يجي المتحكَّم به...وبدو يعمل الغلط...وينزعج ليش المتحكِّم...منعو...

sara

08-09-2005, 14:23

أنا تكلمت عن العرب لأنو هنن أهلي وناسي وهنن اللي بيهمني أمرون. ولازم يعترفو ا بأخطاؤن حتى ينجحوا. أما بالنسبة للبني أوى اللي ذكرتون. ما بيهموني. أصلا نهايتهون قريبة إن شاء الله. [smilie=real mad.gif]

sara

08-09-2005, 15:07

أنا أسفة بس نسيت علق على الموضوع. الموضوع حلو كتير . للأسف هاد هو حالنا. نسأل الله الهداية.
و يسلمون يا أخ scorps22a .

lucifer

08-09-2005, 15:14

والله يا جماعة الموضوع كتير تفرع... و scorps22a بلش بموضوع الاهتمام بالعبادات... وانا عقبت بأن الإهتمام بالعبادات يجب أن يقترن بالعمل الصالح.... وبعدين صرنا عم نحكي عالعرب... وشوي تانية منبلش منحكي على أمريكا.. وحرب اليابان.... :lol: .. وانا برأي هادا من أهم الأسباب الي بتخلي أي نقاش بهالطريقة غير ناجح ولا يؤدي إلى نتيجة مفيدة... وعلى فكرة... معظم نقاشاتنا هيك... ليييييييييييش؟

حبة حبة يا علااااااااااااام...

Aghalation

08-09-2005, 16:32

أنا ملاحظ إنك إنت سبب المشاكل كلها.... ;)
وكل مشكلة بأولها بلاقي إسمك إنت 8)

وبعدين معك...راح نضطر نتصرف بغير طريقة :twisted:

lucifer

08-09-2005, 16:57

خيو أنا مشكلجي... مو بإيدي.... ... يعني معارضة.... اذا ما عجبتني شغلة بدي احكي.... :twisted:

بعدين لسا بدكن تتصرفوا بغير طريقة؟ اي شويتو عافيتي... طفشتوني.. زهقتوني... خليتوني اطلع من تيابي.... اييييييييييييييييييييييي بقاااااااااااااااا ........ولييييييييييييييييييييييييي علينا....

يعني كنت بدي آخد موقف وبطل أكتب... بس كلا ولحمة....لانو انا كتير كتير كتير عنيد... وكتير جئر... وما بفهم... دي بقا دي... :twisted:
....... يعني بتسكتوني بشغلة بطلعلكن بمية شغلة.... ديرو بالكن..... :twisted: :twisted: :twisted: PDT_Armataz_01_40 :twisted: :twisted: :twisted:
بعدين انت بس تجي على حلب إلي جلسة طوييييييييييييييييييييلة معك يا آغا... أطول منك يعني...

Aghalation

08-09-2005, 18:53

يداك أوكتا وفوك نفخ...

ما حدا يعتب علي من هلأ ورايح...الزمله عبيرمي حالو بالمصايب... :twisted:
بس أنزل على حلب...أنا كمان في إلي معك جوز كلام في عينك PDT_Armataz_02_16

Fade Moon

08-09-2005, 19:08

شكلنا يا جماعة لن نصل لنتيجة... و هذا شيء طبيعي... و ذلك من طبائع بني آدم عامةً و العرب خاصةً.
و أنا بالنسبة لي لم آخذ الردود بشكل شخصي بالعكس تماماً.
و أشكرك يا Scorps22a على الموضوع الذي طرحته في بادىء الأمر.