البكالوريا

[queen]

اولا" : الروتين كيف بصير لما بيصل الطالب لهذه المرحلة لازم يحط حالوا بالبيت مثل وكأنه بالحبس لا بصير يروح ولا يجي ولا يحكي مع حدا منشان يلحق يدرس والروتين بصير كالتالي: يستيقظ صباحا",يفطر ,يذهب الى المدرسة (هي اذا كان عم بداوم عليها) ,ثم يذهب الى دروسه الخاصة وبعدين برجع على البيت وعندها لازم يبلش دراسة وبس خلص بروح ينام.

ثانيا":المنهاج ضخم وفيه معلومات كتير الها لزوم وما لها لزوم وما بستفيد الواحد منها يعني باختصار مجرد تخزين معلومات في كمبيوتر المخ(وخاصة الفرع الادبي وطبعافي هيك شي بالفرع العلمي(

ثالثا":الايام التي تركت قبل الفحص لمراجعة الدروس لا تكفي ابدا"بالاضافة الى جو الامتحان( التي تجعل يلي دارس) ما يعرف يكتب بسبب المراقبين الذين يقفون فوق راس الطالب وينظرون اليه نظرات مرعبة (وكانو عامل شي عملة)

رابعا": الطالب لازم يحط دورات خصوصية لانو ما عاد بقي تدريس بالمدرسة فالمدرس بجي منشان يوقع على حضوره(كي لا ينقصون له شيء من راتبه) وبعدين بحاول يهرب ويرجع
والطالب يلي اهله ما عندن امكانية يحطولوا دروس بتكون راحت عليه للآسف الشديد

خامسا":المجموع اذا ما كان فوق\ 225 \تقريبااذا كان علمي ما بيحصل على فرع منيح

ونفس الشي بالنسبة للمجموع بالادبي \210\ تقريبا

طبعا الطالب ما بدخل حسب رغبته بل حسب مجموعه وهي اكبر مشكلة بعاني منها الطلاب لانو فيها تقرير مستقبلهم والمشكلة الاكبر انو مافي حدا عم بحط حد لهل المشكلة وكل مالها عم تكبر...............

[ABDO_H]

منشان موضوع البكلوريا انا برأيي اني المشكله الاكبر من كل الي حكيتيه اني الواحد بيقدم بكالوريا بأبشع
عمر بيمر عليه الانسان يعني عمر 17 او 18 هاد العمر بيكون الانسان بسن المراهقه وهاد العمر بدو
الانسان يعمل كل شي فيه الشباب بيتعلمو التدخين ولعب الشده (الورق ) وهل القصص والبنات بدهم يطلعو ويدخلو وبيدبو ينخطبو بهل العمر يعني كملانه الحكايه وبعدين من شان المجاميع انا برأيي اني
الغلط اني مو بس اني المجاميع عاليه لا بس لازم يكون في جامعات محترمه ولو كانت خاصه ..في اي مدينه او اي دوله في اي مدينه كبيره بنلاقي عشرات الجامعات خدو مثال الاردن ومصر هي ماحكينا على اوربا
قال عملو جامعات خاصه يعني شو هل الجامعات شي بيرفع الراس (نفس دكاتره جامعه حلب او دمشق ..او غيرهم من جامعات الدوله بعد دوامهم بيدرسو بهل الجامعات لاني اغلب الدكاتره الفهمانين مالهم اصلا بلبلد مسافرين اوكي بدكم تعملو جامعات خاصه مافي مشكله مع اني اكتر من 75% او اكتر مابيقدرو يتحملو مصاريفها طيب جيبو دكاتره عملو مباني والله الشغله مالها كتير معقده هلق مدام العلم صار تجاره اوكي امرنا لله بس هل التاجر مدام بدو يستفيد خليه يعطي الفائده العلميه ..
هل يعقل ان يستاجر احدهم مزرعه و يعمل شويه تعديلات ويكتب عليها جامعه ؟؟؟


او ان يستأجر مبنى صغير ويكتب عليه جامعه ........... للعلوم والتكنولوجيا
بكل الدنيا العلم صار بلمال بس في علم في مال عندنا مال بس وعلفاضي ....

[queen]

والله يا استاذ عبدو الشغلة مو بس انو دكاترة الجامعة مو فهمانين شي بل الشغلة وصلانة للمدرسين في المدارس والذين لا يفهمون شيئا والذين لا يملكون الاسلوب الصحيح في التدريس ونحن الطلاب يلي عم نصلحلهم اخطائهم و الغاية الوحيدة للمدرسين هي الحصول على الراتب وتملية وقتهم لا اكثر .وبسبب هيك ما عم نقدر نتعلم ولا نستفيد شي من المدارس والجامعات .....

ابنوا المدارس واستقصوا بها الاملا حتى نطاول في بنيانها زحلا

جودوا عليها بما درت مكاسبكم وقابلوا باحتقار كل من بخلا

ان كان للجهل في احوالنا علل فالعلم كالطب يشفي تلكم العللا

لا تجعلوا العلم فيها كل غايتكم بل علموا النشئ علما" ينتج العملا

ربوا البنين مع التعليم تربية يمسي بها ناقص الاخلاق مكتملا

واي نفع لمن ياتي مدارسكم ان كان يخرج منها مثلما دخلا

فاجمعوا الراي فيما تعملون به ثم اعملوا بنشاط ينكر المللا

انا لمن امة في عهد نهضتها بالعلم والسيف قبلا" انشأت دولا
__________________________________________________ _____________________________


واي نفع لمن ياتي مدارسكم ان كان يخرج منها مثلما دخلا


واي نفع لمن ياتي مدارسكم ان كان يخرج منها مثلما دخلا

[أبو ناجي]

أولا أشكر قلمك حيث أنه استشهد بأبيات للشاعر الذي أحب وأعشق _ معروف الرصافي _ وأتمنى على من يتذوق جمال الشعر أن يقرأ للرصافي وأخص بالنصيحة قصيدته _ عن اليتيمة _ التي يقول في مطلعها :
لقيتها ليتي ما كنت ألقاها ....تمشي وقد أثقل الإملاق ممشاها
أثوابها رثة والرجل حافـــية .... والدمع تذرفه في الخد عينـــــاهــا
أما عن حال العلم و من يقومون بالتعليم فأشكر بساطة طرحك فهو يدخل إلى القلوب بلا استئذان وأمتعني تصويرك لواقع الحال بشكل أكاد اعجز عنه في رقة وصفك , فعلا ما آلت إليه الأمور والله يحز في الأنفس خاصة لو علمنا بأن أي معلم أو معلمة ممن يحملون لواء التدريس قد غزا حياتهم الخاصة كثير من اللوعات والفواجع الإجتماعية الإسروية الخاصة , من قلة المورد المخصص لهم ولهن ومن مشاكل الحياة الكثيرة ومن جبروت و تفلت الجيل نفسه الذي يحاولون اشباعه بمادة العلم .. فالحال إلى حلكة وسواد وقتامة لا تخفى على أحد من العامة فكيف بمن نهجوا مسلك التفسيرات العقلية والأسباب التحليلية لتلك المشكلة من أكاديميين ربما قاربوا حد العجز للخروج بحل يوقف هذا الانحدار المرعب ..؟؟
وصفك لحال الطلاب اضحكني على مافيه من صور للكوميديا السوداء التي تعطي بيسر صورا للواقع الماثل
فحبذا من صحوة تنقذ ما ربما يستطاع له الانقاذ ...لهفي على الجيل ..
اشكرك كل الشكر
---------------------------------------
أبو ناجي الفقير لحروفكم

[queen]

شكرا" الك يا استاذ ابو ناجي على هل الرد الحلو ,وبحب اقلك اني رغم استخدامي للاسلوب الكوميدمي المضحك في التصوير الا ما نعاني منه في مجال التعلم يدعو للبكاء والقهر , واني ما قد كتبته عن هذا الموضوع قد اتيت به عن تجربة قد مررت بها وعانيت الامرين وشعرت بانه افظع عام قد مر علي .



واكرر شكري لك يا ابو ناجي وفعلا انك مزين المنتديات بمشاركاتك الرائعة

[أبو ناجي]

أنحني أمام معزوفة الصرير الذي يحدثه يراعك , فما هو الخشب الذي صنع منه وما هو الحبر الذي بلل حافة رأسه ؟
أخشب الساج هو أم الصندل؟؟
هل من حبر لا تجود به سوى دماء العاشقين للوحة الحرف الذهبي؟
هل كل ما ذكرته غير وارد؟؟
قلمك صنع من شجرة بحثت عنها في كل المجموعة الشمسية ولم اجد عنصر مادتها...
فهي من خارج مجرتنا ...؟ نعم..ونعم...لأنك أميرة خارج زماننا ومكاننا ..أميرة تتسيد .. أميرة تتربع بغزل النور لتلامس كل الأرواح الفلكية ....
---------------------------------------------------------
اشكرك أميرة الأميرات ..
----------------------------------
أبو ناجي الفقير لحروفكم

[angel]

سلام عليكم. بالنبة لموضوع البكلوريا فأنا بشكر الله اللي خلصني منها قبل 6 سنين أي في بداية فشلها.
أولا صارو المدرسين معتمدين على الدروس الخصوصية في كسب المال. ونسيو الهدف و الرسالة النبيلة للعمل الي عم يقومو فيه. طبعا أنا ما عم لومون لأنو المتطلبات بهالوقت صارت كتيرة والأستاذ أولا وأخيرا إنسان. ولكن برأي لازم يكون في شوية ضمير لأنو في طلاب ياحرام ما عم تلاقي تاكل لحتى تجيب أساتذة خصوصي.تانيا السنة اللي أنا قدمت فيها بكلوريا كان في 180000 طالب معي عم يقدمو بنفس السنة. بحسبة زغيرة بنلاقي أنو عدد الطلاب اللي عم يدخلو الجامعات ولامعاهد بكل سورية ما بيتجاوزو 10000 طالب. طيب و الباقي؟ لو فرضنا أنو في 60% من هالطلاب يطمح لأخذ شهادة البكالوريا ( وهدول أغلبهن بيرسبو). بقي عندك أكتر من 30% ( طبعا أغلبهن بينجحو فقط). صفيت هالنسبة القليلة يلي جمعت علامات هي اللي عم ترفع المعدلات لهالدرجة. ليش ياترى؟ لأنو أصلا الجامعات ماعندها قدرة على إستيعاب أكتر من 1000 أو 2000 طالب إن كترت سنويا. يعني نحنا مثلا في الأدب الإنكليزي السنة الثالثة, عدد الطلاب اللي تقدمت للإمتحان يفوق 3000 طالب. مما أضطر إدارة الجامعة إلى تحويل فحوص جميع مواد السنة الثالثة إلى نظام الأتمتة. بعد ماكان 3 مواد مؤتمة وثلاث مواد كتابية. وطبعا هادا من المستوى المشرف لطلاب الأدب الإنكليزي لجامعة دمشق. ( وبفهمكن كفاية). مع أنو متل مو معروف النظام المؤتمت أصعب. ولكن يا أما الدكاترة ماعم يعرفوا طريقة استخدامو, يا أما متقصدين بهدف إنجاح أكبر عدد من الطلاب. ( بس طلاب الأداب حالفين بالله مايطلعو من الجامعة غير شحط على الجيش).
أنا أسف طلعت براة موضوع البكلوريا. لكن أنا كنت عم أحكي على التعليم بشكل عام. ولسه إذا بدي أحكي على الجامعات الخصوصية ما رح أخلص اليوم. لذلك بعتذر إذا كررت أية فكرة أنطرحت.
وسامحونا على الإطالة. وشكرا.


PDT_Armataz_02_41






[Only registered and activated users can see links]