كيف تعرف انك بدوله خليجيه ؟ [الأرشيف] - منتديات طريق سورية
المساعد الشخصي الرقمي

مشاهدة النسخة كاملة : كيف تعرف انك بدوله خليجيه ؟

scorps22a
01-08-2005, 09:11
عندما تجد طفلا عمره 3 سنوات وفي أذنه سماعة الجوال ..
عندما تجد الشخص يمتلك أحدث السيارات ولا يمتلك المال ليزودها بالوقود ..
عندما تمشي في الشارع فتجد الهنود والبتان في كل مكان ..
عندما تجد الشباب يملؤون المراكز التجاريه يوميا .. دون وجود ولو حتى كيس واحد في ايديهم ..
عندما تجد أغلب الاماكن الترفيهيه وغير الترفيهيه مكتوب على بوابتها وبالخط العريض للعائلات فقط
ومعنى العائلات يعني : أي شخص + أي فتاة
عندما تجد نصف الناس يعتقدون أن كلمة أنترنت تعني : اشياء محرمه ..
والنصف الآخر تعني عنده : chat ..
عندما تجد الموظفين يدامون يوميا على شرب الشاي وقراءة الصحف ..
عندما تجد الموظفات يداومن على عرض الازياء وبيعها ..
عندما تجد المعلمة أو المربيه خارج المنزل كيف تقوم بدورها .. ولكن في المنزل تحتاج لمن يربيها ..
عندما تذهب إلى الملاعب فترى 3 أنواع من الحاضرين :
1- ذاهب للجوائز و السيارات ..
2- ذاهب للسب والشتم ترويحا عن النفس
3- والآخر ذاهب للمسيره التي بعد المباراة ..
بينما المشجع الحقيقي قاعد في البيت و لايذهب للملعب لكي لا يرى الاصناف الثلاثة السابقة !!!
عندما تذهب إلى الروضات فترى الخادمات هن اللاتي يقمن بتوصيل الاطفال وتقبيلهم وتوديعهم .. بينما يبادلهم الطفل بدموع الابتعاد عنها 7 ساعات !!!
عندما تذهب إلى المدارس فترى الطلاب يتمردون على المدرسين .. لأن وزارتهم اتخذت القرار الاعظم وهو : ممنوع الضرب ..
عندما تذهب إلى الجامعات فترى الغائبين ضعف الحاضرين .. والحاضرين نصفهم نائمين ..
عندما تذهب إلى المساجد فترى الصلاة تقام على أنغام الموسيقى الجوالات(
=-=-=-=-=-=-=-=-=-=-=-=-=-=-=

عندما تجد كل هذه الامور معا .. أعلم بأنك في دولة خليجيه
the_other_one
02-08-2005, 06:00
ولي علفضايح
كني انت كنت عايش بالخليج شي؟
بس يمكن عندنا مو انظم بكتير
scorps22a
02-08-2005, 08:39
يعني الحال من بعضو ما عدا موضوع السيارات لانها لسه حلم كتير كبير
Aghalation
03-08-2005, 17:03
يعني عزيزي scorps22a أنا عايش بدولة خليجية
ما بتلاقي حدا تحت الـ 15 عندو موبايل :P
ما بتلاقي حدا سيارتو حديثة وما عندو حق البنزين...لأنو اللي سيارتو مطرقعة وعايفة حالها عندو حق البنزين...لا تنسى إنو البنزين بالخليج أرخص شي...أرخص من الأكل والشرب :?
كلمة عائلات مو معناتها أي شب + أي فتاة...لأنو عندنا بالرياض في حال الواحد طبّق واحدةما بيسترجي يمشي معها بالشارع...ولا بيسترجي لا هو ولا هي إنو يروحو على أماكن عامة...
8) وبالنسبة للمعلمات والمربيات فما بدي أحكيلك على النماذج اللي موجودة عنا بالبلد...مو بس بالخليج
وبالنسبة للملاعب الرياضية فأول نموذجين ذكرتهم بينطبقوا على جماهيرنا الرياضية...بس بالخليج فتحديدا مشان المباراة ومشان الهدف الثالث....مسيرة السيارات تبع الفوز :roll:
وبالنسبة للجامعات...ما دخلت على الجامعات الخليجية....بس شفت بعيني أشكال ألوان من طلاب الجامعة بحكم شغلة اشتغلتها بمكتبة قدام أكبر جامعة في الرياض...وكان موسم الامتحانات في أوجه بالرياض....
بيجوز في تراخي بالدوام...بس بصراحة في مثابرة واهتمام بالنجاح...أكثر مما شفتو بجامعة حلب..مثلا :shock:
The don
03-08-2005, 19:04
اصدقائي..
اظن ان اسم الموضوع كان يجب ان يكون (كيف تعرف انك في دولة عربية) من حيث:
_ حمل الجوال بدون الحاجة اليه..
_وجود الشباب في اماكن لاسباب غير الخدمات التي وجد لها المكان ( اللف حول ال لا روز , الوقوف امام الغراند...الخ)
_عدم فهم اغلب ادوات التكنولوجيا بسبب انتشارها بشكل غير طبيعي و صحي..
_الوضع السيء لاغلب المدرسين و الموظفين و الطلاب و الرياضة...

_ و ما بدي احكيلك على مسألة الدخول للمطاعم للعائلات فقط ممممم ... بتلاقي واحد من هالمستثمرين الاكارم و خاصة بحلب فاتحلك قهوة بالشارع يعني قاعد بالصقاق و بحطلك
للعائلات و بيشتغل يا معلم تزبيط الجراسين يا اخي بيصيرو الشباب بدون رضا الجرسون مع احترامي اكتر من رضا الوالدين, طبعا ما هو اللي رح يقعدك على طاولة قريبة عالعائلات...
و بقى بيجيك مدير المطعم اللي ما بيفهم بالادارة اكتر من فهمو للتاء المربوطة.. بيحجز الطاولات لفلان و علتان... بتعرفو يا شباب انو احد مطاعمنا الشهيرة اعتذر انو يقعد زلمة يبلغ من العمر اكترمن 70 سنة علما بانو المحل كان عم بيصفر و الزلمة واحد من ارقى شخصيات حلب و كان معو سائح ( يا سلام) بحجة انو طاولة الشباب الوحيدة بالمحل مليانة و باقي الطاولات للعائلات فقط...
خليها على الله يا سكوربيون من قليل شبابنا عم يطلعو ابطال العالم بالشدة و الكاونتر سترايك؟؟
الله يستر ما يصيرو هدول كمان للعائلات فقط....
Clansman
03-08-2005, 22:57
و الله يا سيد سكوربس أنا كمان برجح إنو تغير العنوان, لأسباب كتيرة, منها ما ذكرو السيد aghalation, لأنو أنا كمان كنت عايش بالسعودية و بعدين الإمارت و في أشياء حضرتك ذكرتا بس هي فعلا مو موجودة, تاني شي, خلينا بالنقد الذاتي و بس نخلص منو و نصلح الأشياء يلي كنا عمننتقدا هداك الوقت بيحقلنا إنو ننتقد بقية العالم, و سلامي على من تعلم ما ينفع و انتفع بما تعلم
the_other_one
04-08-2005, 02:47
يعني الخليج او الدول العربية، شو الفرق؟ ما كلهن عرب و كلهن عندهن نفس العلل و المشاكل مع اختلاف التفاصيل الصغيرة

ما بتفرق عربي خليجي سوداني مغربي، حتى لو كنت بالمكسيك بتضل من هل امة الكريمة، و بتعاني من نفس المصايب، شو بدكن احلى من هيك؟ العرب اخيرا تضامنو مع بعض، بالمصايب بس
scorps22a
04-08-2005, 08:36
شكرا للكل على الردود
يا أخ aghalation الظاهر انك تدايقت كتير من الموضوع لدرجة فكرتك فيها سعودي....!!
يعني عندكم بالرياض ما حدا بيسترجي يمشي بالشارع لانو الطقس كتير ظريف... :)
و بعدين جماهيرنا كمان بتطلع مسيرات رياضية، يعني مو بس عندكم
أما مشان الجامعة، يمكن ما لازم تحكم حضرتك على جامعة حلب و طلابها من خلال حالات يمكن بتعرفها انت، لانو في نماذج كتيرة عندها اهتمام و مثابرة للنجاح.

مع احترامي للجميع طبعا

في خليجيين كتير منيحين اكيد.... بس الانطباع العام عن الخليج بتقدر تعرفو اذا بتنزل على سوريا و بتسأل الناس عن رأيهم بالسواح العرب الأعزاء.......طلع على صلنفة و شوف....

بكل الاحوال الكلام المقال مو خاص باي بلد، و متل ما قال the other one "ما كلهن عرب و كلهن عندهن نفس العلل و المشاكل مع اختلاف التفاصيل الصغيرة ما بتفرق عربي خليجي سوداني مغربي، حتى لو كنت بالمكسيك بتضل من هل امة الكريمة، و بتعاني من نفس المصايب"



بالآخر يا ريت ما تنحذف هالمشاركة........
Aghalation
05-08-2005, 15:53
عزيزي سكوربس
لا اتدايقت ولا هم يحزنون بس حبيت نكون موضوعيين ...
وعزيزي أنا ما بحذف تجني ولا جزافا...

شكرا
Dehumanizer
06-08-2005, 17:41
أنا أطالب برفع الموضوع إلى مجلس الأمن ومن ثم محاكمة كل من scorps22a و aghalation بتهمة الإساءة للأنظمة الدولية ودفع تعويضات للمتضررين The don و Clansman من جرّاء إثارة هذه المواضيع وإحداث بلبلة في المنطقة وعقد مؤتمر قمة طارئ أترأسه أنا بمعرفتي وإصدار الحكم بالمخالفين أصولاً.
Clansman
06-08-2005, 21:43
أنا أطالب برفع الموضوع إلى مجلس الأمن ومن ثم محاكمة كل من scorps22a و aghalation بتهمة الإساءة للأنظمة الدولية ودفع تعويضات للمتضررين The don و Clansman من جرّاء إثارة هذه المواضيع وإحداث بلبلة في المنطقة وعقد مؤتمر قمة طارئ أترأسه أنا بمعرفتي وإصدار الحكم بالمخالفين أصولاً.

هه, يا سيدي معناتا انحلت
أبو ناجي
21-10-2006, 09:42
اهااااااااااااااااااااااااااااااااااا ....ســكـوربس الجميل الرائع هههههههههههههه قبضت عليك

* صدقني يـا سكوربس الجميل الرائع الخطير الكربوج الممتاز حبيب قلبي فعلا .. إنــو :

* لما بتعرف انـو في شخص امامك خريج كليات راقية ومنها التقنية وعمره حوالي 22 سنة ونظيف ورائحته عطرة وبيحكي لغتين اقل شي ومنها الإنكليزية يللي هيه لغة عالمية , فلازم تعرف انك امام شخص من الإمارات

* لما بتعرف انو الشوارع ما بتشوف فيها محرمة او حتى اي علبة ببسي او مخلفات شو ماكانت على البحر او الصحرا او الشوارع فاعرف انك بدولة خليجية

* لما بتشوف انو الاسفلت من نظافته كأنو مشطوف ليل نهار والفوسفور تبع تحديد خطوط المسارات لكل سيارة عم تضوي ضوي فلأنك كمان بالامارات يا خيو

* لما بتشوف اذا في تحويلة مؤقتة لشارع احسن من احسن شارع عندنا بالبلد لازم تعرف انك كمان بالامارات

* لما بتشوف انك بتدخل لدائرة حتى تنهي معاملة فقط بتقطع تذكرة ورقم الكتروني وتنتظر على كرسي بمكان نظيف مكيف وبيجي دورك متلك متل غيرك ..فإنت بالامارات كمان

* انا ما شفت اطفالهن حاملين موبايلات بالعكس والله اطفالنا نحنا الزعران يللي حاملينها من الكبت والعقد البلاوي يللي عايشينها

* بتشوف الواحد فورا أي سيارة بيوقفلك حتى تقطع الشارع فيما لو كنت ماشي بدون ما تطلب منه يوقف ..فقط ..لانو هيك النظام والاخلاق ..فأكيد انت بالامارات

* لما بتشوف مافي بالشوارع تزمير وجعير وتشفيط فأكيد انت بالامارات , الحالات الشاذة بكل مكان ..بس نحنا للأسف الشذوذ عندنا قاعدة ...!!

* لما بتشوف الصبح كل خلق الله زحمة رايحين لأعمالهن وأشغالهن والبلد مو بلد كسلانين وبلد بس لشوية شباب عم يسندوا الحيطان ومحدا اساسا فاضي لحدا فأنت ببلد صناعي عالمي متل دبي او حتى الامارات ككل

*** طبعا ما بقول مافي سلبيات متل كل مكان بالعالم ...بس مقارنة بالعنوان...فياريت فعلا يكون العنوان غير هيك ...

* البقية كثيرة جدا ...بيكفي لهون...

ومشكور حبيبي الرائع سكوربس ..واغاليشن الجميل وذي دون الخطير وكلانسمان ودهيو الممتاز وكل السادة المساهمين ههههههههههههههههههه
DANIA
21-10-2006, 14:49
لم أزور أي دولة خليجية في حياتي ..
ولا أعتقد أنني سأزورها إلا في حال الذهاب لأداء عمرة أو حج ..
والله أعلم في ذلك ..

ولكن كلمة حق يجب أن أقولها ..
انا مثلي مثلكم .. انطباعي عن الخليج هو يعني التخلف فقط ..
ولكن لكي نكون على حق اكثر .. يجب ان لا نحكم عليهم بشكل جماعي ..
لأن لا تنسوا .. يحكم الغرب على الاسلام بالتخلف الجماعي !!
وهذا ليس حقيقيا .. بدليل وجود علماء .. شعراء .. أدباء .. فلاسفة .. عرب
نتشرف بهم كونهم عرب !!
ريتاج
21-10-2006, 15:58
اللـــــــــــــــــــــــــه عليكي يا إمارات ..
تسلم ايديك ابو ناجي .. بصراحة ما قصرت ..
و الله بحمد الله 100 ألف مرة انو عايشة بدولة خليجية و خاصة بالامارات ..
و لا ببلد من بلاد الشام ..

سلام